गुप्त अभिलेख संग्रह (जे. एफ. फ्लीट - गुप्त सम्राटों एवं परवर्ती नरेशों के ऐतिहासिक पाषाण व ताम्रलेख)

Vol. III
Plate xxv
CORPUS INSCRIPTIONUM INDICARUM.
Alina Plates of Śīlāditya VII—The Year 447

---

Inscription Text (Plate I, Lines 1–38)

ॐ स्वस्ति विजयस्कन्धावारादानन्दपुरसमावासितात्सौधविस्तारस्फुरदमलशशिरुचिमण्डलोत्तुङ्गसौध-
श्रेणीसंक्रान्तनक्तंन्दिवनिपतदुदञ्चद्ध्वजान्तोभयश्रीविभ्रमाद्भूपतीनाम् । जलनिधिमथनसमयलक्ष्मी-
समाश्लेषसंक्षोभिताशेषरुक्मिणीसंशयारोपितानेकपुंसां द्विजानां वसतिरुदितसत्यत्यागशौर्य्याद्यशेष-
प्रकृष्टगुणगणालंकृतसमस्तविप्राग्र्यसङ्गताया विरचितसुमनोविचित्रानेकविधविहारपरममा-
हेश्वरश्रीध्रुवसेनस्य । प्रसभप्रणतामित्राणां मैत्रकाणामतुलबलसपत्नमण्डलाभोगसंसक्तप्रहार-
शतलब्धप्रतापः प्रतापोपनतदानमानाद्वर्जवोपार्जितानुरागोऽनुरक्तमौलभृतमित्रश्रेणी-
बलावाप्तराज्यश्रीः परममाहेश्वरश्रीसेनापतिभटार्कः । तस्य सुतस्तत्पादपादपद्मप्रणाम-
विधौताशेषकल्मषः शैशवात्प्रभृति खड्गग्राहमहिम्ना खुमाननृपतिकनकराशिप्रदानवितीर्ण-
सुरलोकारुन्तुदविश्रुतविभवो गगनतलविशालकीर्त्तिः परममाहेश्वरः श्रीसेनापतिधरसेनः ।
तस्यानुजस्तत्पादपादप्रणामप्रशस्तविमलमौलिरुचिर्मनवादिप्रणीतविधिविधानधर्म्मा धर्म्म-
राज इव विहितविनयव्यवस्थापद्धतिरखिलभुवनमण्डलाभोगैकस्वामिना परमस्वामिना
स्वयमुपहितराज्याभिषेकमहाविश्राणनपूतराजश्रीः परममाहेश्वरः श्रीमद्द्रोणसिंहः सिंह इव ।
तस्यानुजः स्वभुजबलपराक्रमेण परगजघटानीकानामेकविजयी शरणैषिणां शरणमव-
बोद्धा शास्त्रार्थतत्त्वानां कल्पतरुरिव सुहृत्प्रणयिनां यथाभिलषितकामफलभोगदः परम-
भागवतः श्रीमहाराजध्रुवसेनः । तस्यानुजस्तच्चरणारविन्दप्रणतिप्रविधौताशेषकल्मषः
प्रभावसम्पद्वशीकृतनृपतिशतसहस्ररत्नमौलिमणिरङ्कुरनिकषकषणहेमरेखारुचिरविशदतर-
पादनखरुचिः सकलस्मृतिप्रणीतमार्ग्गसम्यक्परिपालनप्रजाहृदयरञ्जनादन्वर्थराजशब्दो रूप-
कान्तिस्थैर्य्यधैर्य्यगाम्भीर्य्यबुद्धिसम्पद्भिः स्मरशशाङ्काद्रिराजोदधित्रिदशगुरुधनेशानति-
शयानः शरणागताभयप्रदानपरतयातृणवदपास्ताशेषस्वकार्य्यफलः प्रार्थनाधिकार्थप्रदा-
नानन्दितविद्वत्सुहृत्प्रणयिहृदयः पादचारीव सकलभुननार्याभिभावितानेकपुण्यः परममाहेश्वरः
श्रीमहाराजधरपट्टः । तस्य सुतस्तच्चरणारविन्दप्रणतिवितीर्णपवित्रतरमतिरकलङ्कमूर्ति-
रनवरतसमरविजयरसिकरुचिरविविधविमलतरकीर्त्तिरतिविमलशशिमरीचिशुचिचन्दन-
संदोहसङ्क्रान्तकौशेयनिर्मलतरसितयशःप्रतानवितानितसकलदिगन्तरः परममाहेश्वरः
श्रीमहाराजगुहसेनः । तस्य सुतस्तत्पादपद्मप्रणामपवित्रीकृतमूर्द्धा शैशवात्प्रभृति विविधानलङ्कृत-
सकलविद्याधिगमविमलतरमतिरखिलकलङ्कवर्जितनयमार्गोपदिष्टधर्म्मानुरोधप्रविततकीर्त्ति-
रनेकसमरविजयलब्धयशोधनः सकलप्रजारञ्जनादन्वर्थनामा परमकल्याणरूपः कल्पपादप इव
प्रजायमानपरमविभवोपभोगसंपादितार्थिमनोरथः परममाहेश्वरः श्रीमहाराजशीलादित्यः ।
तस्यानुजस्तत्पादपरिचर्यापवित्रतरमतिः स्वभुजबलपराक्रमप्रशमितसकलशत्रुमण्डलः
प्रणतसमस्तसामन्तमुकुटमणिदीधितिसंपादितपादपद्मरागस्तपोधन इव कृपणदीनानुकम्पी
परममाहेश्वरः श्रीमहाराजखरग्रहः । तस्य पुत्रस्तत्पादानुद्ध्यातः प्रथितविक्रमो नयगुण-
समुदायविद्वत्प्रणयिजनोपजीव्यमानविभवो विधिवदनुचरितनिगममार्गो युधिष्ठिर इव
धर्मपरो धनुर्वेद इव विदितसमस्तधनुःप्रवीणः परममाहेश्वरः श्रीमहाराजधरसेनः ।
तस्यानुजस्तत्पादानुद्ध्यातः सकलविद्यापारदृश्वा विविधसमरजयविजृम्भितयशोराशि-
रुदितविभवविश्रुतदानशौण्डीरः परमधार्मिकः परममाहेश्वरः श्रीमहाराजध्रुवसेनः ।
तस्य सुतस्तत्पादानुद्ध्यातः स्वभुजप्रतापातिशयोपशमितसमस्तप्रतिपक्षदम्भो विरचित-
विविधसत्कारसङ्गृहीताखिलसुहृन्मण्डलो गुणवतामग्रणीः परममाहेश्वरः
श्रीमहाराजधरसेनस्तस्य सुतस्तत्पादानुद्ध्यातः परममाहेश्वरः श्रीमहाराज-
ध्रुवसेनस्तस्यानुजस्तत्पादानुद्ध्यातः परममाहेश्वरः श्रीमहाराजशीलादित्यः ।

---

J. F. FLEET, BO. C.S.
SCALE .69
W. GRIGGS, PHOTO-LITH.