गोभिल गृह्यसूत्रम् (सामवेद कौथुम-राणायनीय शाखा - मुकुन्द शर्मा सटीक)

( ३४ )
अथ दशमी—
१ गर्भाष्टमेषु ब्राह्मणमुपनयेत् ॥
२ गर्भैकादशेषु राजन्यम् ॥
३ गर्भद्वादशेषु वैश्यम् ॥
४ आषोडशाद्वर्षाद्ब्राह्मणस्यानतीतः कालोभवत्याद्वाविंशात्क्षत्रि-
यस्याचतुर्विंक्षाद्वैश्यस्य ॥
५ अत ऊर्ध्वं पतितसावित्रीका भवन्ति ।
६ नैतानुपनयेयु र्नाध्यापयेयुन्नैभिर्विंवहेयुः ॥
७ यदहरुपैष्यन्माणवकोभवति प्रग एवैनं तदहर्भोजयन्ति कुशली-
कारयन्त्याप्लावयन्त्यलङ्कुर्वन्त्यहतेन वाससाऽऽच्छादयन्ति ॥
८ क्षौमशाणकार्पासौर्णान्येषां वसनानि ॥
९ ऐणेयरौरवाजान्याजिनानि ॥
१० मुञ्जकाशतामूर्व्यो रशनाः ।
११ पार्णबैलवाश्वत्था दण्डाः ॥
१२ क्षौमᳵशाणं वा वसनं ब्राह्मणस्य, कार्पाशं क्षत्रियस्याऽऽविकं वै-
श्यस्य ॥
१३ एतेनैवेतराणि द्रव्याणि व्याख्यातानि ॥
१४ अलाभे वा सर्वाणि सर्वेषाम् ॥
१५ पुरस्ताच्छालाया उपलिप्तेऽग्निरुपसमाहितोभवति ॥
१६ “अग्ने व्रतपते” इति हुत्वा पश्चादग्नेरुदगग्रेषु दर्भेषु प्राङाचार्योऽ-
वतिष्ठते ।
१७ अन्तरेणाग्न्याचार्यौ माणवकोऽञ्जलिकृतोऽभिमुख आचार्यमुदग-
ग्रेषु दर्भेषु ॥
१८ तस्य दक्षिणतोऽवस्थाय मन्त्रवान्ब्राह्मणोऽपामञ्जलिम्पूरयति ॥
१९ उपरिष्टाच्चाचार्यस्य ।
२० प्रेक्षमाणोजपत्या“गन्त्रा समगन्मही”ति ॥
२१ “ब्रह्मचर्यमागामि”ति वाचयति ॥
२२ “कोनामासी”ति नामधेयम्पृच्छति ॥
२३ अभिवादनीयनामधेयङ्कथयित्वा ॥
२४ देवताश्रयं वा नक्षत्राश्रयं वा ॥
२५ गोत्राश्रयमप्येके ॥
२६ उत्सृज्यापामञ्जलिमाचार्योदक्षिणेन पाणिनां दक्षिणं पाणिᳵसाङ्गुष्ठं
गृह्णाति “देवस्य ते सवितुः प्रसवेऽश्विनोर्बाहुभ्यां पूष्णोहस्ताभ्याᳵ-