गोभिल गृह्यसूत्रम् (सामवेद कौथुम-राणायनीय शाखा - मुकुन्द शर्मा सटीक)

लि पूरयित्वाऽभिमुखश्चन्द्रमसम् ॥
७ "यददश्चन्द्रमसो"ति सकृद्यजुषा द्विस्तूष्णीमुत्सृज्य यथाऽर्थम् ॥
( अत ऊर्ध्वं ज्योत्स्नेष्वेतत्कर्मासंवत्सरम् )
८ जननाद्दशरात्रे व्युष्टे शतरात्रे संवत्सरे वा नामधेयकरणम् ॥
९ अथयस्तत्करिष्यन्भवति पश्चादग्नेरुदगग्रेषु दर्भेषु प्राङ्मुखउपविशति ॥
१० अथमाता शुचिना वसनेन कुमारमारच्छाद्य दक्षिणत उदञ्चं कर्त्रे प्रय-
च्छत्युदक्शिरसम् ॥
११ अनुपृष्ठं परिक्रम्योत्तरत उपविशत्युदगग्रेषु दर्भेषु ॥
१२ अथ जुहोति प्रजापतये तिथये नक्षत्रे देवताया इति ॥
१३ तस्य मुख्यान्प्राणांन्संमृशन् "कोऽसि कतमोऽसी" त्येतं मन्त्रं जपति ।
१४ "माहस्पत्यं मासं प्रविशासावि"त्यन्ते च मन्त्रस्य घोषवदाद्यन्तर-
न्तः स्थं दीर्घाभिनिष्ठानान्तं कृतं नाम दध्यात् ।
१५ एतदतद्धितम् ॥
१६ अयुग् दान्तं स्त्रीणाम् ॥
१७ मात्रे चैव प्रथमं नामधेयमाख्याय यथार्थम् ॥
१८ गौर्दक्षिणा ॥
१९ कुमारस्य मासि मासि संवत्सरे, सावँत्सरिकेषु वा पर्वस्वग्नीन्द्रौ
धावापृथिवी विश्वान्देवाँश्च यजेत ॥
२० दैवतमिष्ट्वा तिथिनक्षत्रञ्च यजेत ॥
२१ विप्रोष्य ज्येष्ठस्य पुत्रस्योभाभ्यां पाणिभ्यां मूर्धानं परिगृह्य जपेत् ।
यदा वा पिता म इति विद्यात् । उपेतस्य वा "ऽङ्गादङ्गात् सँ-
स्रवसी"ति ॥
२२ "पशूनान्त्वा हिङ्कारेणाभिजिघ्रामी"त्यभिजिघ्रथ यथार्थम् ॥
२३ एवमेवापरेषाम् ॥
२४ यथा ज्येष्ठयँथोपलम्भं वा ॥
२५ क्रियास्तूष्णीं मूर्धन्यभिजिघ्रणं मूर्धन्यभिजिघ्रणम् ॥
इति द्वितीयप्रपाठकस्याष्टमी कण्डिका ॥ २ ॥ ८ ॥
अथ-नवमी-कण्डिका-
१ अथातस्तृतीये वर्षे चूडाकरणम् ॥
२ पुरस्ताच्छालाया उपलिप्तेऽग्निरुपसमाहितो भवति ॥
३ तत्रैतान्युपक्लृप्तानि भवन्ति ।
४ एकविँशतिर्दर्भपिञ्जल्य उष्णोदककँस औडुम्बरः क्षुर आदर्शो
३