बृहत्संहिता: द्वितीय भाग (आचार्य वराहमिहिर - विमला हिन्दी व्याख्या, पं. अच्युतानन्द झा)

नक्षत्रकर्मगुणाध्यायः ५३७
अत्र रिक्ताग्रहणं नास्ति। तथा च पराशरोक्तम्—
'प्रतिपत्षष्ठ्योर्विवाहक्षेत्रासववास्तुबीजवपनमित्रधनसङ्ग्रहाभिषेकसत्रादिस्थिरमिष्टमनिष्टम-
ध्वाध्यापनमध्ययनं क्षुरकर्मेति'। तथा च लोके वचनम्—'प्रतिपत्सु न वापयेत्' इति।
यद्याचार्येण नवदिवसग्रहणे प्रतिपन्निषिद्धा तदा षष्ठ्या सहास्य को विरोधो येन न निषेधः
कृत इति। वयं तत्र ब्रूमः—यत्र क्षौरे कृते अनायुष्यं भवति तन्निषिद्धम्, न शेषम्। तथा
च—'क्षौरं न निशि न भुक्ते न पक्षसन्धौ' इत्यनन्तरोक्तश्लोकस्यानन्तरश्लोकः—
सन्ध्यायामशुभे चन्द्रे विष्ट्यां सोमदिनोदये।
क्षुरकर्म कृतं विन्द्यादनायुष्यकरं नृणाम्।।
नवमदिवसग्रहणेनापि क्षौरदिवसनवमदिवसो निषिद्धः। कथमेतदवगम्यत इति।
उच्यते,