भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 65, कुल 423 में से
संदर्भ में पढ़ेंपृष्ठ 65
- ५१ -
मृगपोतं गुणैर्बद्धं वहन्ती शुकशालिनी ।
सुवर्णमञ्जरीरत्नमञ्जरीगुंफितालका ॥ ७१ ॥
रसालमञ्जरीमञ्जुकर्णभूषणभूषिता ।
श्रीरामसख्यनिरता मृगयाक्रीडयतत्परा ॥ ७२ ॥
फलपुष्पलतापत्रसर्वस्वैर्मण्डिताकृतिः ।
मां निरीक्ष्य स्मयन्ती सा द्रुमशाखावलम्बिनी ॥ ७३ ॥
श्रीसहजोवाच
रामरासपरिप्राप्तिर्दुर्लभा तव भामिनि ।
तथापि मां समाराध्य तुलभा भविता तव ॥ ७४ ॥
भाविन्यनन्तरे यहि गोपः श्रीनन्दनाभिधः ।
तस्य पत्न्यां तु राजिन्यां भवितास्मि न संशयः ॥ ७५ ॥
रामरासविनोदाय तर्हि त्वं मामुपैष्यसि ।
कौशिकी मत्सखी भूत्वा रमयिष्यसि रामिणम् ॥ ७६ ॥
अभिरामं रामचन्द्रं रामा भूत्वा सीतापतिम् ।
इत्युक्त्वान्तर्दधे सद्यः श्रीमती सहजेश्वरी ॥ ७७ ॥
तद्रूपदर्शनोद्भूतकन्दर्पविवशाकृतिः ।
अहं च द्रवतां याता नदीरूपेण संस्थिता ॥ ७८ ॥
सहजानन्दिनीशक्तिक्रीडास्थानं महावनम् ।
क्षालयन्ती भुजाकारैस्तरंगैर्वायुनेरितैः ॥ ७९ ॥
त्रिसंध्यं मुनिशार्दूलं तोषयन्ती क्रियाविधौ ।
चिरमेवं स्थिता राजन् कुशिकस्याश्रमं प्रति ॥ ८० ॥
तस्मादहं श्रीसहजाख्यशक्तेः सखीचिरं रामरसात्यभिज्ञा ।
इमामिहोत्तीर्णवती विचिन्त्य गृहेऽवतीर्णास्मि तव क्षितीन्द्र ॥ ८१ ॥
नूनमेतदभेदेन पालनीयास्मि वत्सल ।
श्रीरामानन्दरसिका साथिनी सहजासखी ॥ ८२ ॥
इति श्रीमदादिरामायणे ब्रह्मभुशुण्डसंवादे पश्चिमखण्डे भरतलक्ष्मणीये
सीताजन्मोपाख्याने कौशिकीसम्भवो नाम षोडशोऽध्यायः ॥ १६ ॥