भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 56, कुल 423 में से
संदर्भ में पढ़ेंपृष्ठ 56
- ४२ -
श्रीराम उवाच
भक्त्यानया ते दृढया चिरं प्रीतोऽस्मि भामिनि ।
आत्मानं दुर्लभं चापि तुभ्यं दास्ये मनोरथम् ॥ २५ ॥
भाविन्यनन्तरे काले प्रमोदविपिनेश्वरी ।
भविता वै स्वयं सीता जनकस्यालये सती ॥ २६ ॥
अहं सुखिनयोपस्य रामो नित्यं महामनाः ।
भविष्यामि प्रियस्तस्याः सर्वसौन्दर्यभूषितः ॥ २७ ॥
त्वं च तत्र सखी भूत्वा सहजायाः प्रिया मम ।
अवतीर्य मया सार्द्धं समेष्यसि प्रमुद्वने ॥ २८ ॥
रूपं चाप्रतिमं तत्र प्राप्स्यसि त्वं मदाज्ञया ।
इत्युक्त्वान्तर्हिते नाथे तदालोकनमात्रतः ॥ २९ ॥
स्त्रीस्वभावाहतैवाहमुत्तराद्रेः सुताभवम् ।
अधुनाहं प्रविज्ञाय सावतीर्णभवद्गृहे ॥ ३० ॥
सहजासीताप्रियार्थमवतीर्णास्मि ते गृहे ।
यथेयं तावकी कन्या तथाहमपि भूपते ।
एतस्या अविशेषेण पालनीयास्मि ते सदा ॥ ३१ ॥
इति श्रीमदादिरामायणे ब्रह्मभुशुण्डसंवादे पश्चिमखण्डे भरतलक्ष्मणीये सीताजन्मो-
पाख्याने वनघोषासम्भवो नाम चतुर्दशोऽध्यायः ॥ १४ ॥
✲
पञ्चदशोऽध्यायः
स्वयं लक्ष्मीरुवाच
इयं चाहं च भेदेन सा द्विधा प्रोच्यते बुधैः ।
ज्ञानभक्तिस्वरूपाहं प्रेमभक्तिमयी त्वियम् ॥ १ ॥
कर्मभिः शुद्धचित्तस्य ज्ञानसंसाधितात्मनः ।
भवेद्भक्तिरसश्चित्ते कस्यचित्पुण्यभागिनः ॥ २ ॥
ममैव सा कला काचिद्भक्तिरित्युच्यतेतराम् ।
कुलं शीलं स्वरूपं च क्रियाशुद्धिविशुद्धयः ॥ ३ ॥
अप्रकाशः प्रकाशश्च विवेको ज्ञानमेव च ।
वैराग्यं च वशीकारो विज्ञानभाव एव च ॥ ४ ॥