भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 305, कुल 423 में से
संदर्भ में पढ़ेंपृष्ठ 305
- २९२ -
द्वितीयश्च तथा कोऽयं रुद्रो वान्तक एव वा ।
इत्थं चिन्तासमाविष्टो लक्ष्मणः स्तिमितो भिया ॥ १६ ॥
मूर्च्छाम्याय ततः सद्यो निजनेत्रे न्यमीलयत् ।
तावत्तथैव पुरतो रामचन्द्रो व्यदृश्यत ।
यथा पूर्वं स्थितो दृष्टः सिहासनवरे नृपः ॥ १७ ॥
कालश्च प्रभुणा दत्तां ताम्बूलदलवीटिकाम् ।
प्रसादत्वेन सङ्गृह्य जगाम निजसदनम् ॥ १८ ॥
इति श्रीमदादिरामायणे ब्रह्मभुशुण्डसंवादे उत्तरखण्डे कालदमनोपाख्याने
सप्तमोऽध्यायः ॥ ७ ॥
✱
अष्टमोऽध्यायः
ब्रह्मोवाच
य इदं शृणुयात् पुण्यं श्रीरामचरितान्वितम् ।
आख्यानं कालदमनं तस्य कालोऽतिदूरतः ।
पठेद्वा पाठयेद्वापि न स कालवशे भवेत् ॥ १ ॥
य इदं प्रपठेद्यज्ञे हव्यकव्यादिभोजने ।
तस्य देवाश्च पितरस्तृप्ता वर्षाणि भूरिशः ॥ २ ॥
यः कालदमनं नाम पठेदाख्यानमादरात् ।
कृतानि तेन धर्म्याणि कर्माणि बहुशो द्विज ॥ ३ ॥
भुशुण्ड उवाच
ब्रह्मन् कालेगते पश्चात्किं वृत्तं भवत्तयोः ।
रामलक्ष्मणयांस्तत्र वोरयोरितरेशयोः ॥ ४ ॥
दुर्वासश्चैव किं वृत्तं मुनेरात्रेयशर्मणः ॥ ५ ॥
ब्रह्मोवाच
रामभक्त भुशुण्ड त्वं शृणु ह्येतत् कथानकम् ।
रामस्य चरितं पुण्यं सर्वपापौघनाशनम् ॥ ६ ॥
लक्ष्मणो रघुशार्दूलं मुनिं प्राप्तं न्यवेदयत् ।
ततो रामः समुत्थाय स्वर्णसिंहासनोत्तमात् ॥ ७ ॥