भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 30, कुल 423 में से
संदर्भ में पढ़ेंपृष्ठ 30
- १६ -
आनन्दिनी नन्दनाख्यगोपराजस्य वै गृहे।
राजिका गोपमहिषी गर्भरत्नमहोदया ॥ ३९ ॥
माघे मासि सिते पक्षे पञ्चम्यां शुभवासरे।
अश्विनीशुभनक्षत्रे शुभयोगे शुभोदये ॥ ४० ॥
ततः प्रसन्नमखिलं जगदासीत् समंततः।
रावणारिपराभूताः सुराश्चासन् सुनिर्वृताः ॥ ४१ ॥
ववृषुः पुष्पवर्षाणि जगुर्गन्धर्वनायकाः।
देवदुन्दुभयो नेदुर्ननृतुश्चाप्सरोगणाः ॥ ४२ ॥
तदाधिदैविकः कालः प्रादुर्भावितवान् गुणान्।
विकासं लेभिरे सद्यो लतास्तरव एव च ॥ ४३ ॥
सरांस्युत्फुल्लपद्मानि सुगन्धिसलिलानि च।
दिदीपिरेऽग्नयश्चैव यज्ञशालासु दक्षिणम् ॥ ४४ ॥
ववुः सुगन्धयो वाताः सरयूवीचिशीतलाः।
एवं जगत्प्रमोदाय तज्जन्मदिवसोऽभवत् ॥ ४५ ॥
नन्दनस्य गृहे साक्षात्स्वयं लक्ष्मीर्यदाभवत्।
तदा समृद्धिरभवद् गोकुले रम्यसम्पदि ॥ ४६ ॥
व्रजः सर्वश्रिया युक्तः सर्वसम्पत्समृद्धिमान्।
माङ्गल्यासुखितपोश्चापि भाविमाङ्गल्यसूचकः ॥ ४७ ॥
सा संजाता व्रजे स्वांशैर्व्रजस्त्रीभिरनेकधा।
उभयोस्तीरयोर्गर्मिष्वाभीराणां गृहे गृहे ॥ ४८ ॥
गोप्यः कमलपत्राक्ष्य ऊढाश्चैवापि कन्यकाः।
रामलीलाविनोदार्थं देवानां च तथाङ्गनाः ॥ ४९ ॥
इति श्रीमदादिरामायणे ब्रह्मभुशुण्डसंवादे पश्चिमखण्डे भरतलक्ष्मणीये
रामजन्मोपाख्याने पञ्चमोऽध्यायः ॥ ५ ॥
✤