भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 28, कुल 423 में से
संदर्भ में पढ़ेंपृष्ठ 28
- १४ -
दूतावूचतुः
प्रभो काचन देवी वा राक्षसी मानुषी च वा।
गान्धर्वी नागकन्या वा शैली वा वनदेवता ॥ ९ ॥
सागरस्यसुतावापि सिन्धुद्वीपे तपस्यति ।
न तस्यास्तुल्या काचिद्दृष्टा वापि श्रुताभवे ॥ १० ॥
सर्वोपमा सुरूपाङ्गी सर्वावयवसुन्दरी ।
सर्वसौन्दर्यपाथोधिवाङ्मनोगोचरप्रभा ॥ ११ ॥
सहस्रचन्द्रज्योत्स्नेव तस्या वदनचन्द्रिका।
कोटिरत्नप्रभातुल्या तस्याः पादनखच्छविः ॥ १२ ॥
कोटिनक्षत्रमालेव तस्याः सर्वाङ्गगा छविः।
विभाति चञ्चलापाङ्गी तपस्यन्त्यपि सागरे ॥ १३ ॥
नैतच्छपं विजानीमः किमिच्छन्ती तपस्यति।
प्रायो नास्याः समः कश्चित्रिषु लोकेषु वै वरः ॥ १४ ॥
ब्रह्मा द्विजो वराकश्च कर्मकाण्डपरश्च सः।
विष्णुर्वैराग्यशाली च ज्ञानी जगति निःस्पृहः ॥ १५ ॥
रुद्रः श्मशानचारी च तपस्वी भस्मधूसरः।
भूतसंगी त्रिनेत्रश्च जटी प्रकृतिभीषणः ॥ १६ ॥
अन्ये वराकाः किं देवास्त्वद्योग्या केवलं हि सा।
त्वयैव गृह्यतां नाथ पाणिग्रहविधानतः ॥ १७ ॥
योषिद्रत्नं वरं दिव्यं न त्व संत्यज्यतां प्रभो।
इत्युक्तो रावणस्ताभ्यां पातस्तत्र स्मरोद्धुरः ॥ १८ ॥
यत्र सा सुन्दरी देवी सिन्धुमध्ये तपस्यति।
तद्रूपदर्शनोद्भूतस्मरनाराचपीडितः ॥
तामादातुं यतितवानतिदुर्धर्षविग्रहाम् ॥ १९ ॥
रावण उवाच
का त्वं तपस्यसे सुभ्रु किमर्थं च वरानने।
कश्च ते जनकः ख्यातः किमर्थं भजसे न माम् ॥ २० ॥
त्वादृशी सुन्दरी देवि मम शोभिष्यसे गृहे।
अहं त्रैलोक्यनाथोऽस्मि लङ्काया अधिपः स्फुटम् ॥ २१ ॥
त्वामहं हि ग्रहीष्यामि पाणिग्रहणलीलया।
कोऽन्यो मयि स्थिते भूमौ भविता च पतिस्तव ॥
इत्युक्ता तेन सा क्रुद्धा सक्रोधमिदमब्रवीत् ॥ २२ ॥