भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 20, कुल 423 में से
संदर्भ में पढ़ेंपृष्ठ 20
- ६ -
अचिन्त्यैव कृपा तस्य युग्मलीलाविनोदिनः।
न कर्मभिर्न तपसा न ज्ञानेन न चेज्यया ॥ ३० ॥
सुलभा तत्कृपा कापि फलरूपादि सा यतः।
तस्यां च परिलब्धायां न लभ्यान्तरमिष्यते ॥ ३१ ॥
तथापि कर्मभिर्दिव्यैः पूतात्मानं परायणम्।
ज्ञानसंशुद्धचित्तं च भक्तिद्रुतसुधान्वितम् ॥ ३२ ॥
श्रीपादपद्मरजसा स्वाभिषिक्त शुभोदयम्।
सोऽनुगृह्णाति वै भक्तं नित्यलीलान्तवैभवम् ॥ ३३ ॥
ब्रह्मादयोऽपि यस्यान्तं न ययुदुर्लभात्मनः।
अनायासेन सुलभः स लीलारसभावनात् ॥ ३४ ॥
एवं शुकादयः सर्वे प्रेमभक्तिविभाविताः। ‘
प्रवेशिताः स्वात्मरसे तेनैव प्रभुना सखे ॥ ३५ ॥
सर्वसाधारणोऽप्येष स्वभक्तानां विशिष्यते।
नैतावतास्य वैषम्यं लीलैकरसनिर्वृतेः ॥ ३६ ॥
स यदा ब्रह्मभावेन वर्तते ज्ञानवेदितः।
तदा सर्वापि मर्यादा विद्यते तस्य नान्यदा ॥ ३७ ॥
एक एव द्विधा जातो भगवान् भावभावितः।
ब्रह्म ब्रह्मेतिज्ञानेन ईश ईशेतिभक्तितः ॥ ३८ ॥
इति श्रीमदादिरामायणे ब्रह्मभुशुण्डसंवादे पश्चिमखण्डे¹ भरतलक्ष्मणसंवादे
द्वितीयोऽध्यायः ॥ २ ॥
✤
तृतीयोऽध्यायः
ब्रह्मोवाच
इति श्रुत्वा स भरतः परमोत्कण्ठमानसः।
ज्ञानस्य चापि भक्तेश्च विशेषं परिपृच्छति ॥ १ ॥
भरत उवाच
किं ज्ञानं का च सा भक्तिर्यया स वशतां व्रजेत्।
एतन्मे कथय भ्रातुरुभयोस्तत्त्वनिश्चयम् ॥ २ ॥
१. पूर्वखण्डे (?)-बड़ो० ।