भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 187, कुल 423 में से
संदर्भ में पढ़ेंपृष्ठ 187
- १७३ -
चिदानन्दघनं ब्रह्म प्रभाभूतं हि यत्तनोः।
तदेव सहजारामयुग्ममित्थं त्वयोदितम् ॥ १६ ॥
श्रीशुक उवाच
स्वयम्भूरेश भगवान् ब्रह्मा लोकपितामहः।
येन वेदः पुरा सृष्टः शब्दब्रह्ममयोऽखिलः ॥ १७ ॥
स एव भगवानेतं सृष्ट्वाँलोकविस्तरम्।
साक्षात्परम्पराभेदादेकोऽनेकश्च कारणम् ॥ १८ ॥
स एवाण्डं ससर्जैदमपायन्तः स्ववीर्यधृक्।
तासु गर्भमभूद्भूयो ब्रह्माण्डं यदनन्तकम् ॥ १९ ॥
ब्रह्माण्डञ्चप्सु निहितमापस्तद्विश्वतेजसि।
स वैश्वतेजसो वह्निः संस्थितः परमानिले ॥ २० ॥
परमानिल आसीनः परमे व्योम्नि कार्यशः।
एतद्विश्वं उद्भूतं महामनस उद्भवात् ॥ २१ ॥
तन्महाहंकृतौ व्याप्तं महा महति सा तता।
महा महन्महामाया महाप्रकृतिसंज्ञके ॥ २२ ॥
अव्यक्ताख्ये परे व्योम्नि प्रधाने सर्वकारणे।
अव्यक्तमन्तरंगायां महाशक्तौ परात्मनः।
परमात्माक्षरं ब्रह्म वेदानां स्थानमुत्तमम् ॥ २३ ॥
समन्वयो यत्र गिरां पराणां वेदाख्यानामुपनिषदाह्वयानाम्।
तदक्षरं ब्रह्मविदो वदन्ति यद्वेत्तारस्तं परमाप्नुवन्ति ॥ २४ ॥
परमः पुरुषो रामो भगवान् पुरुषोत्तमः।
यतो भुवनमुद्भूतं यस्मिन् परिसमाप्यते ॥ २५ ॥
यतो वेदाश्च सम्भूतास्तद्ब्रह्मस्य प्रभामयम्।
इति ज्ञात्वा स भगवान् ब्रह्मा लोकपितामहः ॥ २६ ॥
तदंशभूतः सकलं सृष्टवान् भुवनं विधिः।
यः सोऽण्डं व्यसृजत्पूर्वं तत्र जातः स्वयं च यः ॥ २७ ॥
विवस्वानेष भगवान् द्योतमानस्त्रयीमयः।
स्वयम्भूर्भगवान् सर्वमुवाचैवं विवस्वते ॥ २८ ॥
विशिष्ट ब्रह्माणस्तत्त्वं साङ्गोपाङ्गरहस्यकम्।
तस्मै तन्त्रं समाचख्यौ कृत्स्नं सकर्मपद्धतिम् ॥ २९ ॥
ततश्चोपनिषत्सारं ज्ञानयोगं तपोयुतम्।
भक्तिशास्त्रं रसमयं सोपासनमुदाहृतम् ॥ ३० ॥