भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 17, कुल 423 में से
संदर्भ में पढ़ेंपृष्ठ 17
- ३ -
तस्य तत्त्वं विजानन्ति इदमित्थंतया प्रभोः ।
स्वच्छन्द एव लीलासु सर्वासु युगलात्मकः ॥ २५ ॥
युग्मनामा युग्मकेलिर्युग्मभावविनोदवान् ।
युग्मभूषाविलासाद्यो युग्मस्थानविलासकः ॥ २६ ॥
युग्मजन्मा युग्मजल्पो युग्मप्रेक्षाविधायकः ।
प्रभुरेष विलासीनः सदानन्दपयोनिधिः ॥ २७ ॥
तन्नामामृतपानेन स्वस्थचित्ताः सनातनाः ।
ऋषयः परमहंसाश्च बहवस्त्यक्तबान्धवाः ॥ २८ ॥
श्रद्धावन्तो भक्तिवन्तो रामपादनिशेवकाः ।
मुक्तिं गताः सद्गुरुभिर्ज्ञाततत्त्वाः सुकोविदाः ॥ २९ ॥
स वै प्रपत्तिमात्रेण जनान् मोचयते भवात् ।
शत्रुस्तवास्मीति वदन् मत्समः क्रियतेऽचिरात् ॥ ३० ॥
प्रारब्धक्लेशहरिणी तस्य भक्तिर्निगद्यते ।
न तच्चरणपाथोजप्रपत्त्या विशते विना ॥ ३१ ॥
परे ब्रह्मणि स्वानन्दलीलारसविनोदिनि ।
तल्लीलास्मृतिमात्रेण नरो भवति पावितः ॥ ३२ ॥
कोटिगङ्गादितीर्थौघवाजपेयादिभिर्मखैः ।
सा तस्य सहजानन्दविग्रहा स्वैरकेलिनी ॥ ३३ ॥
नित्यलीला विनोदा च सुखप्राग्भारसम्पदा ।
तस्याश्चरणपद्मोत्थप्रसादारुणरेणुभिः ॥ ३४ ॥
पूतात्मा लभते रामं सच्चिदानन्दलक्षणम् ।
रामभक्तिः स्वयं सीता तद्भक्तं विद्धि मामथ ॥ ३५ ॥
तद्भक्तं हनुमन्तं च जानीहि पवनाङ्गजम् ।
एवं प्रवर्तिता भक्तिर्भुवने रामतोषिणी ॥ ३६ ॥
इति श्रीमदादिरामायणे ब्रह्मभुशुण्डसंवादे पश्चिमखण्डे¹भरतलक्ष्मणसंवादे
प्रथमोऽध्यायः ॥ १ ॥
⁕
१. पूर्वखण्डे (?) ब्रह्मभुशुण्डसंवादे—बड़ौ० ।