भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 122, कुल 423 में से
संदर्भ में पढ़ेंपृष्ठ 122
- १०८ -
तदहं द्रष्टुमिच्छामि रामं त्रैलोक्यसुन्दरम् ।
त्वत्सार्थेन गमिष्यामि प्रमोदवनमुत्तमम् ॥ २१ ॥
लक्ष्मीरूवाच
अहं वैकुण्ठगा नित्यं विष्णोर्वक्षसि संस्थिता ।
तथापि कामये रामं लीलानन्दरसात्मम् ॥ २२ ॥
तस्मात्त्वत्सार्थगा भूत्वा यास्यामि प्रमुदाटवीम् ।
कृपया मां निरीक्षस्व श्रीरामप्रेमसिद्धये ॥ २३ ॥
रतिरुवाच
अहं ते दासिका काचित्पादाब्जपरिचारिका ।
न मां त्वं त्यक्तुमर्हसि रामप्रेमाभिलाषुकाम् ॥ २४ ॥
शच्युवाच
यथा रतिस्तथैवाहं दासी ते प्रेमरूपिणी ।
न मां वैरोचते लोको यत्रैन्दूयदभूतयः ॥ २५ ॥
नय मां निजसार्थेन प्रमोदवनभूमिकाम् ।
अगम्यामितरैर्लोकैः श्रीरामरतिवर्जितैः ॥ २६ ॥
अनसूयोवाच
भर्ता मे भगवान् साक्षाच्चित्रकूटे यदाश्रमः ।
श्रीरामप्रेमसंयुक्तस्तस्याहं परमा प्रिया ॥
त्वत्सन्निधौ स्थातुमर्हा न मां त्वं त्यक्तुमर्हसि ॥ २७ ॥
दित्यादिती ऊचतुः
आवां प्रजापतेर्भार्ये देवासुरमातरौ ।
तव सङ्गेन वै मातर्भविष्यावो हरौ रते ॥ २८ ॥
तस्मादावां नेष्यसि त्वं कृपया श्रीकृपावती ।
प्रमोदवनमत्यर्थं रामलीलामनोहरम् ॥ २९ ॥
देवहू तिरुवाच
अहं कपिलदेवस्य जननी कर्दमस्य च ।
प्रजापतेः प्रिया भार्या रामप्रेमाभिलाषुका ॥ ३० ॥
तदर्थं त्वामहं प्राप्ता यास्यामि प्रमुदाटवीम् ।
हस्तावलम्बं वितर त्वं परप्रेमरूपिणी ॥ ३१ ॥
मेधाद्या दशपीठस्थाः शक्तयः सरयूं प्रति ।
ऊचिरे वचनं सर्वाः सानुरागाः पृथक् पृथक् ॥ ३२ ॥