भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 121, कुल 423 में से
संदर्भ में पढ़ेंपृष्ठ 121
- १०७ -
सरस्वत्युवाच
प्रेमानन्दमयी साक्षाद् रामलीलाविशारदा ।
प्रसीद मयि मातस्त्वं सरयूविश्वपाविनी ॥ ९ ॥
निज सार्थे स्थापयास्मान् यथा पश्येम तत्पदम् ।
रामलीलारसागरं प्रमोदवनमुत्तमम् ॥ १० ॥
कथं तद् दृश्यतां मातर्विना त्वत्करणाभरम् ।
तस्माद्यत्र स्थास्यसि त्वं तत्रस्थास्यामहे वयम् ॥ ११ ॥
गायत्र्युवाच
अहं वै छन्दसां माता वाञ्छामि तव संनिधिम् ।
प्रमोदविपिने रामलीलारससुखाप्तये ॥ १२ ॥
सावित्र्युवाच
यत्ते विज्ञापितं मातर्गायत्र्या सुरसेव्यया ।
तदेव मम विज्ञाप्यं श्रूयतां करुणावति ॥ १३ ॥
अरुन्धत्युवाच
असार जगदेवेदं सारं ब्रह्मपरं महः ।
तच्च रामस्वरूपं तत्प्रेममात्रेण लभ्यते ॥ १४ ॥
तत्प्रेम चित्सुखाकारं भवत्याः परमं वपुः ।
तस्मात्त्वत्सार्थगा नित्यं निवत्स्यामि महोदके ॥ १५ ॥
लोपामुद्रोवाच
अहं जानामि ते रूपं रामप्रेमैकविग्रहम् ।
तस्मात्त्वां न विहास्यामि साररूपां सनातनीम् ॥ १६ ॥
प्रमोदवनमभ्येत्य स्थास्यामि तव संनिधौ ।
द्रक्ष्यामि तां प्रभोर्लीलां श्रीरामस्य परात्मनः ॥ १७ ॥
गार्ग्युवाच
अहं भर्तुः प्रसादेन ब्रह्मानन्दमहोदधौ ।
निमग्ना त्वत्प्रसादेन प्रेमानन्द प्रकामये ॥ १८ ॥
मैत्रेय्युवाच
क्रुपयस्व परं मातर्यथाहमपि संततम् ।
श्रीरामप्रेमपाथोधेलंभे किमपि विप्रुषः ॥ १९ ॥
पार्वत्युवाच
अहं वंशीरवं श्रुत्वा रामस्य सुमनोहरम् ।
पत्युः शिवस्याङ्कस्थापि जहामि मनसो धृतिम् ॥ २० ॥