भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 108, कुल 423 में से
संदर्भ में पढ़ेंपृष्ठ 108
- ९४ -
चन्द्रास्या पङ्कजमुखी नीलनीरजलोचना ।
चम्पकाङ्गी तडित्कान्तिः सर्वावयवसुन्दरी ॥ १६ ॥
स्वर्णदोलासमारूढा स्मयमानमुखाम्बुजा ।
गङ्गया चैव कालिन्द्या पार्श्वद्वयविराजिता ॥ १७ ॥
सरस्वत्या धृतच्छत्रा स्वर्णदण्डावलम्बया ।
गायत्र्या चैव सावित्र्या चामरद्वयवीजिता ॥ १८ ॥
प्रेमानन्दमयी साक्षाद् रामलीलाविशारदा ।
तां जातमात्रां प्रययुर्लोपामुद्रादयस्तदा ॥ १९ ॥
अरुन्धती च गार्गी च मैत्रेयी चैव योगिनी ।
पार्वती च महालक्ष्मी रतिश्चैव तथा शची ॥ २० ॥
अनसूया भगवती दितिश्चैवादितिस्तथा ।
देवहूतिश्च मेधा च प्रभा विद्या च धीमती ॥ २१ ॥
प्रीतिः कीर्तिश्च कान्तिश्च तुष्टिःपुष्टिस्तथैव च ।
दिव्यैः स्तवैः स्तुवन्त्यस्ताः परितोऽस्याश्चकासिरे ॥ २२ ॥
। श्रीमदादिरामायणे ब्रह्मभुशुण्डसंवादे पश्चिमखण्डे भरतलक्ष्मणीये सीताजन्मो-
त्सवे सरयूतपत्तिर्नाम पञ्चत्रिंशोऽध्यायः ॥ ३५ ॥
षट्त्रिंशोऽध्यायः
शुक उवाच
साव्रवीज्जातमात्रैव भूमानं पुरुषं ततः ।
रामप्रेमोद्गमोद्भूतरोमाञ्चव्यासविग्रहम् ॥ १ ॥
[सर]युरुवाच
किं नु कुर्यामहे भूमन् किं च मे नाम निश्चितम् ।
भवत्पार्श्वेऽथवान्यत्र कुत्र मेऽवास्थितिर्भवेत् ॥ २ ॥
[पुरुष] उवाच
रामप्रेमोद्भवानन्दात्सुस्रुवेनेत्राणि नः पृथक् ।
तुदत्थवाष्पवारिभ्यः सम्भूता त्वं तरङ्गिणी ॥ ३ ॥
सरयूरिति ते नाम तस्मान्निश्चितमेव मे ।
नयनोत्थैर्जलैर्जाता तस्मान्नेत्रजलेति च ॥ ४ ॥