भोजनकुतूहल: प्रथम भाग (रघुनाथ नवहस्त - आहार-रसायन, पाकशाला-व्यवस्था व विरुद्धाहार)

८४ भोजनकुतूहले
अथ पनसावर्तः ।
पनसस्यातिपक्वस्य मज्जा कटविभावितः ।
घर्मशुष्कमिमं प्राहुः पनसावर्तमित्यथ ॥
तद्गुणाः फलवत्किञ्चिल्लघुता गुणयोगतः ॥
फनस पोळी ।
लकुचः क्षुद्रपनसो लकुजो डहुरित्यपि ।
आमं लकुचमुष्णं च गुरु विष्टम्भकृत्तथा ॥
मधुरं च तथाम्लं च दोषत्रितयरक्तकृत् ।
शुक्राग्निनाशकं चापि नेत्रयोरहितं स्मृतम् ॥
सुपक्वं तत्तु मधुरमम्लं चानिलपित्तकृत् ।
कफवृद्धिकरं रुच्यं वृष्यं विष्टम्भकं च तत् ॥
बडहर ।
तुण्डी तु मधुरा पित्तश्वासकासकफापहा ।
असृग्ज्वरहरा रम्या कासजिद् गृहबिम्बिका ।
गोडतोण्डली ।
तिक्ता स्वादुहिमा बिम्बी वातपित्तास्रशोफजित् ।
छर्दिनी कामलापाण्डुश्वासशोफज्वरापहा ॥
कडुतोंडली ।
कारवल्ली सुतीक्ष्णोष्णा दीपनी कफवातजित् ।
अरोचकहरा चैव रक्तदोषकरी च सा ॥
कारवेल्लं सरं हृद्यं दीपनं कफपित्तजित् ।
तिक्तं रुच्यं ज्वरश्वासकासगुल्महरं लघु ॥
१ J1. ० नास्ति अथ पनसावर्तः ...... फनस पोळी ।
२ P1 ण्डी मधुरा P2 तुण्डी तन्मधुरा ।
३ P1 P2 ... गोडतोण्डली ।