भोजनकुतूहल: प्रथम भाग (रघुनाथ नवहस्त - आहार-रसायन, पाकशाला-व्यवस्था व विरुद्धाहार)

प्रथमपरिच्छेदः । १०९
गजकर्णीकन्दभवं तीक्ष्णोष्णं शीतिकापहम् ।
कटुकं कफवातघ्नं विषवीसर्पकुष्ठनुत् ।
प्रशस्यते पाण्डुशोफक्रिंम्यानाहव्रणार्शसाम् ।
गजकर्णीभवम् ।
[कू]ष्माण्डखण्डसम्भूतं सूक्ष्मं हरितकं जयेत् ।
[वा]तपित्तामयान् सर्वान् पीनसघ्नं रुचिप्रदम् ॥
कूष्माण्डजम् ।
[ख]राशिशिम्बेश फलकं कोमलं सूक्ष्मखण्डितम् ।
अग्निमान्द्यकरं किञ्चिद् वातघ्नं हरितं कृतम् ॥
खराशीबीकृतम् ।
वृन्ताकं खण्डितं सूक्ष्मं शृङ्गबेराम्लमिश्रितम् ।
भावितं हिङ्गुमरिचैः पटुयुग्वातदोषनुत् ॥
वृन्ताकस्य ।
कफहदरमरुचिघ्नं बालवृन्ताकजातं
क्षयभत्रविकृतिघ्नं पित्तजिच्छर्कराढ्यम् ।
बालवृन्ताकस्य ।
माकन्दिकायाश्शकलैस्सुसूक्ष्मै-
श्लक्ष्णैस्सुसम्भारसुसंयुतैश्च ।
जयेदवश्यं कफजान् विकारान्
मान्द्यं कृशानोरतिमारुतं च ॥
माइणीमूलजम् ।
पारेवतफलैः पक्वैः कृतं हरितकं बलम् ।
करोति दीपयत्यग्निं सुसम्भारं रुचिप्रदम् ॥
उत्ततीभवम् ।
तोयमागधिकोद्भूतं हरितं नीरसं कटु ।
तृष्णाभिजननं सातिसारश्लेष्माविनाशनम् ॥
जलपिंपलीभवम् ।