अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

५० अनङ्गरङ्गः [ नवमः
दन्तोष्ठयार्योगविशेषसाध्यः
प्रवालपूर्वो मणिरेष उक्तः।
अभ्यासयोगेन स⁶⁵ दम्पतिभ्यां
संसाध्यते नान्यविनोदतस्तु ॥३३॥
अधरे तिलशश्च⁶⁶ कामिना⁶⁷
रदयुग्मेन विखण्डने कृते ।
इति बिन्दुरुदीरितोऽखिलै-
र्दशनैः स्यात्किल बिन्दुमालकः⁶⁸ ॥३४॥
कपोलवक्षोगलभालदेशे
खण्डाभ्रकं⁶⁹ स्याद्दशनाग्रलेख्यम् ।
तन्मण्डलाकारकमङ्गनाना-
मङ्गेषु शोभां लभते नितान्तम् ॥३५॥
अखर्वसान्द्रा दशनावली या
कान्ताशरीरे क्रियते स्वभर्त्रा ।
प्रस्थानकाले स्मृतिहेतुभूता⁷⁰
तत्कोलचर्वं⁷¹ प्रवदन्ति विप्राः⁷² ॥३६॥
॥ अथ केशग्रहणोद्देशः ॥
स्निग्धा घनाः कुञ्चितनीलवर्णाः
केशाः प्रशस्तास्तरुणीजनानाम् ।
प्रेमप्रवृद्ध्यै⁷³ विधिनैव षन्दं⁷⁴
ग्राह्यानरैश्चुम्बनदानकाले⁷⁵ ॥३७॥
चिकुरान्वरिगृह्य⁷⁶ चुम्बते⁷⁷
करयुग्मेन पतिः प्रियां यदि ।