अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

॥ श्रीः ॥
अथानङ्गरङ्गः प्रारभ्यते ।
¹ अतिललितविलासं विश्वचेतोनिवासं
समरकृतविकासं शम्बराख्यप्रणाशम् ।
रतिनयनविरामं संततं चाभिरामं ²
प्रसभत्रिजितवामं शर्मदं नौमि कामम् ॥ १ ॥
लोदीवंशावतंसो हतरिपुवनितानेत्रवाग्मिप्रपूर-
प्रादुर्भूतासु सिन्धुष्वमितवरयशा ³ लीलया प्लातिताश्वः ⁴ ।
तत्पुत्रः ⁵ ख्यातकीर्तिरहमदन्नृपतेः कामसिद्धान्तविद्या-
जीयाच्छ्रीलाडखानः क्षितिपतिमुकुटैर्घृष्टपादारविन्दः ⁶ ॥ २ ॥
अस्यैव कौतुकनिमित्तमनङ्गरङ्गं ⁷
ग्रन्थं विलासिजनवल्लभमातनोमि ⁸ ।
श्रीमान्महाकविग्शेषकलाविदग्धः ⁹
कल्याणमल्ल इति भूपतिनार्यशस्वी ¹⁰ ॥ ३ ॥
मतानि ¹¹ दृष्ट्वा बहुशो ¹² मुनीनां
तत्सारमादाय निरूपयामि ।
अतोऽङ्गनाकेलिकलानुरागै-
र्ग्राह्यः सदाऽयं पुरुषैः सभायाम् ¹³ ॥ ४ ॥
निःसारे जगति प्रपञ्चसदृशे सारं कुरङ्गीदृशा-
मेकं भोगसुखं परात्मपरमानन्देन तुल्यं विदुः ।