अगस्त्य संहिता (महर्षि अगस्त्य - पञ्चरात्र राम-उपासना एवं मन्त्र-विधान सटीक)

(246) अगस्त्य-संहिता

संचिनोति नरो मोहाद्यद्यत्तदपि नाशयेत् ।। 15 ।।
गत्वापि मातरं मोहादगम्यैश्च योषितः। A.S.-24.39c-d
उपास्यानेन मन्त्रेण रामस्तदपि नाशयेत् ।। 16 ।। A.S.-24.40a-b
महापातकपापिष्ठसङ्गत्या संचितं च यत्। A.S.-24.40c-d
नाशयेत्तत्कथालापशयनासनभोजनैः ।। 17 ।। A.S.-24.41a-b
पितृमातृवधोत्पन्नं बुद्धिपूर्वमघं च यत्। A.S.-24.41c-d
तदनुष्ठानमात्रेण सर्वमेतद्विलीयते ।। 18 ।। A.S.-24.44a-b
यत्प्रयागादितीर्थोक्तप्रायश्चित्तशतैरपि। A.S.-24.45c-d
नैवापनोद्यते पापं तदप्याशु विनाशयेत् ।। 19 ।। A.S.-24.46a-b
पुण्यक्षेत्रेषु सर्वेषु कुरुक्षेत्रादिषु स्वयं। A.S.-24.46c-d
बुद्धिपूर्वमघं कृत्वा तदप्याशु विनाशयेत् ।। 20 ।। A.S.-24.47a-b
कृच्छ्रैस्तप्तपराकाद्यैर्नानाचान्द्रायणैरपि।
पापं च नापनोद्यं यत्तदप्याशु विनाशयेत् ।। 21 ।।
आत्मतुल्यसुवर्णादिदानैर्बहुविधैरपि। A.S.-24.47c-d
किंचिदप्यपरिक्षीणं तदप्याशु विनाशयेत् ।। 22 ।। A.S.-24.48a-b
अवस्थात्रितयेष्वेव बुद्धिपूर्वमघं च यत्।
तन्मन्त्रस्मरणेनैव निःशेषं प्रविलीयते ।। 23 ।।
अवस्थात्रितयेष्वेवं मूलबन्धमन्त्रं च यत्।
तत्तन्मन्त्रोपदेशेन सर्वमेतत्प्रणश्यति ।। 24 ।।
आब्रह्मबीजदोषाश्च नियमातिक्रमोद्भवाः। A.S.-21.10a-b
स्त्रीणां च पुरुषाणां च मन्त्रेणानेन नाशितः।। 25 ।। A.S.-21.10c-d
येषु येष्वपि देशेषु रामभद्र उपास्यते। A.S.-21.11c-d
दुर्भिक्षादिभयं तेषु न भवेत्तु कदाचन ।। 26 ।। A.S.-21.12a-b
शान्तः प्रसन्नवदनो ह्यक्रोधो भक्तवत्सलः। A.S.-21.12c-d
अनेन सदृशो मन्त्रो जगत्स्वपि न विद्यते ।। 27 ।। A.S.-21.13a-b
सम्यगाराधितो रामः प्रसीदत्येव सत्वरम्। A.S.-21.13c-d
ददात्यायुष्यमैश्वर्यमन्ते विष्णुपदं च यत् ।। 28 ।। A.S.-21.14a-b