पञ्चसायक (कविशेखर ज्योतिरीश्वर - कामकला एवं रति-शास्त्र संस्कृत मूल पाठ)

चतुर्थःसायकः ६५
सीमन्तपार्श्वे हृदि चूचुकादौ
शश्वन्न प्रयोज्यं सुरतप्रयोगे ।
अथ मयूरपादं निरूपयति
सर्व्वाङ्गुलिक्लृप्तनखैः स्तनान्तः
पश्चात्तथाङ्गुष्ठभवेन रेखा ।' ५१ ॥
व्यक्तीकृता या मुनयस्तदेत-
न्मयूरपादं समुदीरयन्ति ।
अथ पङ्कजपत्रसंज्ञं नखक्षतं निरूपयति
आलम्बमेवं स्फुटितार्द्धरेखं
प्राहुः क्षतं पङ्कजपत्रसंज्ञम् ॥ ५२ ॥
अथ दर्दुरकं निरूपयति
रेखा-युगं चोज्ज्वल-काम-भावः
स्तने च कक्षा-जघनान्तरेषु ।
विश्लेष देशान्तरगे च नारी-
संमार्गतं दर्दुरकं वदन्ति ॥ ५३ ॥
नखक्षतानां कामावेशजनकत्वमुपपादयति—
पुंसः शरीरे युवतीकुचे वा
क्षतं नखस्य प्रतिवीक्ष्य सद्यः ।
कन्दर्पवेगाकुलचित्तवृत्ति -
मुनेरपि स्यात् किमुचित्रमन्यम् ॥ ५४ ॥
करजक्षतानां कामसर्वस्वस्वरूपत्वं निरूपयति—
सर्वस्वमेवास्ति मनोभवस्य
प्रेम्णा प्रयुक्तं करजं रतज्ञैः ।