पञ्चसायक (कविशेखर ज्योतिरीश्वर - कामकला एवं रति-शास्त्र संस्कृत मूल पाठ)

५६ पञ्चसायकः
कन्याया गृहनायक सपुलक स्तस्मै ददात्यादरात्,
आर्षो गोयुगदक्षिणो निगदितस्तज्ज्ञै र्विवाहोवरः॥१०॥
"दैवतविवाहस्वरूपं निरूपयति-
ऋत्विग्भिः परिमण्डिते बहुतिथं यज्ञोत्सवे चोत्तमे
नानावर्णसुवर्णवस्त्रकुसुमैराभूषिताङ्गी शुभा ।
कन्या दक्षिणयाऽद्वित्तीयविधिना यद्दीयते चादराद्
दैवः सोऽयमुदीरितः कविवरैरित्थं विवाहो वरः ॥११॥
"प्राजापत्यविवाहं लक्षयति-
कन्या बान्धवसन्निधौ सुललिता विप्रोत्तमायादराद्
उक्त्वैवा-"तुभ्यमियं मया स्वतनया दत्तेति हर्षान्विता ।
धर्मं सञ्चरतां यथासुखमुभौ सम्पद्य योगं सदा
प्राजापत्यकग्रहः कविवरैरेष प्रमाणीकृतः ॥ १२॥
ब्राह्मविवाहं निरूपयीत-
आहूयार्चनपूर्वकं द्विजवरायाच्छाद्य वासोवरैः
विद्याशीलविवेकवंशविनयाद्यागन्विताय स्वयम् ।
कन्या प्रीतिमते वराय विधिना यद्दीयते सादरं
ब्राह्मोऽसौमुनिपुङ्गवै र्निगदितः श्रेष्ठो विवाहोऽपर ॥१३॥
(१) "बहुविधे" इति ग पुस्तकेऽयं पाठान्तरम् ।
(२) "द्वितीये विधिना" इति घ पुस्तकस्य पाठान्तरम् ।
(३) "सोऽहम्" इति गपुस्तकीयो पाठान्तरं न समीचीनतया ॥