युक्तिकल्पतरु (महाराज भोज - नौका-निर्माण, जलयान-विज्ञान, शस्त्र, दुर्ग एवं राजधर्म सटीक)

अस्त्रयुक्तिः। १४८
अतसीफलसङ्काशमङ्गं भूमिः सितासिता ।
अतसीवज्रमाहुस्तं तत्क्षते शिरसो रुजा ॥ १८ ॥
यदा सर्षपवीजाभमङ्गं भूमिः सितासिता ।
खरधारः खरस्पर्शः सर्षपाङ्गः स दुर्लभः ॥ २० ॥
सिंहाकारं भवेद्यस्य अङ्गं भूमिः सितासिता ।
सिंहोवज्रन्तु तद्विद्यात् तत्क्षते प्रलपेन्नरः ॥ २१ ॥
एतद्धावन-तोयेन कासरोगोप-नाशनम् ।
अङ्गं तण्डुलसङ्काशं भूमिर्धूम्ना सितासिता ॥ २२ ॥
तण्डुलाङ्गमिमं विद्याद् यशः श्रोवलवर्द्धनम् ।
एतत् पर्युषितं तोयं तण्डुलोदक-सन्निभम् ॥ २३ ॥
अस्य प्रभावान्मनुजो भ्रष्टां हि लभते श्रियम् ।
अङ्गच्छेद गोक्षुराकारं भूमिराघात-निःसहा ॥ २४ ॥
खड्गाधममिदं विद्यान्नोवज्रं नाम नामतः ।
स्थूला दीर्घाः शिराः कृष्णा भूमिश्चैव सितासिता ॥ २५ ॥
शिराङ्गमिति तं ब्रूयात् एनं खड्गाधमं बुधाः ।
शिवलिङ्गाकृतिश्चाङ्गे धारा चैव सिताथवा ॥ २६ ॥
शिराङ्गमिति तं ब्रूयाच्छत्रुपक्ष-निसूदनम् ।
यदा व्याघ्रनखाकारमङ्गं भूमिस्तु पिङ्गला ॥ २७ ॥
नखवज्रमिदं ब्रूयात् तत्क्षते क्षययुर्भवेत् ।
एतदामिषसंस्पर्शात् प्रविशेत् क्षयमेव हि ॥ २८ ॥
ग्राहपुच्छोपमन्वङ्गं भूमिर्धूम्ना खराकृतिः ।
ग्राह्वाङ्गमिति जानीयाच्छत्रुवंशोपनाशनम् ॥ २८ ॥
अस्य स्पर्शनमात्रेण जीवन्मत्या जहात्यसून् ।
यदा मनुजनेत्राभमङ्गं भूमिः सितासिता ॥ ३० ॥
नेत्राङ्गमिति जानीयात् संग्रामे विजयप्रदम् ।