विष्णु स्मृति (वैष्णव धर्मशास्त्र - नन्दपण्डित कृत वैजयन्ती टीका सहित सटीक)

८८ ॥ विष्णुस्मृतौ ३० ॥ ३१ ॥
कामान्माता पिता चैनं यदुत्पादयतो मिथः ।
संभूतिं तस्य तां विद्याद्यद्योनावभि जायते ॥ ४५ ॥
आचार्यस्त्वस्य यां जातिं विधिवद्वेदपारगः ।
उत्पादयति सावित्र्या सा सत्या साजरामरा ॥ ४६ ॥
य आवृणोत्यवितथेन कर्णा-
वदुःखं कुर्वन्नमृतं संप्रयच्छन् ।
तं वै मन्येतितरं मातरं च
तस्मै न द्रुह्येत्कृतमस्य जानन् ॥ ४७ ॥ ३० ॥
—
त्रयः पुरुषस्यातिगुरवो भवन्ति । १ । पिता माता
आचार्यश्च । २ । तेषां नित्यमेव शुश्रूषुणा भवितव्यम्
। ३ । यत्ते ब्रूयुस्तत्कुर्यात् । ४ । तेषां प्रियहितमाचरेत्
। ५ । न तैरननुज्ञातः किंचिदपि कुर्यात् । ६ ।
एत एव त्रयो वेदा एत एव त्रयः सुराः ।
एत एव त्रयो लोका एत एव त्रयोऽग्नयः ॥ ७ ॥
—————
XXXI, 7• एत ए० त्र० सुराः । om. v. See M. II, 230.
46. वेदपारगोऽखिलवेदविदाचार्य... 47. वेदाध्यापनेनैहिकामुष्मिक-
सकलदुःखनिरोधेनाध्येतारमदुःखं कुर्वंस्तेन च अमृतं मोक्षं महावाक्या-
ध्यापनार्थंप्रतिपादनद्वारा संप्रयच्छन्... अस्य कृतमुपकारं वेदाध्यापनलक्षणं
जानन्... XXXI, 7... त्रयः सुरा ब्रह्मविष्णुशिवाः पूज्यत्वेन सुरसं-
स्तवः । त्रयो लोका नरसुरराक्षसलोकाः ।...