विष्णु स्मृति (वैष्णव धर्मशास्त्र - नन्दपण्डित कृत वैजयन्ती टीका सहित सटीक)

॥ विष्णुस्मृतौ ७३ ॥ १६५
ततश्च सुप्रोक्षितमिति श्राद्धदेशं संप्रोक्ष्य दर्भपाणिः सर्वं
कुर्यात् । २५ । ततः प्राङ्मुखाग्रतो यन्मे राम इति प्रद्-
क्षिणं कृत्वा प्रत्येत्य च यथाशक्ति दक्षिणाभिः समभ्य-
र्च्याभिरमन्तु भवन्त इत्युक्त्वा तैरूक्तोऽभिरताः स्म इति
देवाश्च पितरश्चेत्यभिजपेत् । २६। अक्षय्योदकं च नाम-
गोत्राभ्यां दत्त्वा विश्वे देवाः प्रीयन्तामिति प्राङ्मुखेभ्य-
स्ततः प्राञ्जलिरिदं तन्मनाः सुमना याचेत । २७ ।
दातारो नोऽभिवर्धन्तां वेदाः संततिरेव च ।
श्रद्धा च नो मा व्यगमद्बहु देयं च नोऽस्त्विति ॥ २८॥
तथास्त्विति ब्रूयुः । २९ ।
अन्नं च नो बहु भवेदतिथींश्च लभेमहि ।
याचितारश्च नः सन्तु मा च याचिष्म कं च न ॥ ३०॥
इत्येताभ्यामाशिषः प्रतिगृह्य । ३१ ।
ब्राह्मणोच्छिष्टायतौ विकिरणं कृत्वा... श्राद्धदेशं प्रोक्षेत्। इदं च सर्वं
दर्भपाणिना कार्यम् ॥ २५. रामः काकः (Dev., Kâṭhakagṛihya-
bhâshya)... 27. यद्दत्तमन्नोदकादि तदक्षय्यमस्त्विति दैवे पित्र्ये च
नामगोत्राभ्यामुदकं दत्त्वा विश्वे देवाः प्रीयन्तामिति दैवे चोदकं दत्त्वा...
आशिषो याचेत । ता एवाह ॥ 28. नो ऽस्माकं कुले दातारो दानशीलाः
पुरुषा वेदाध्ययनाध्यापनाविच्छेदेन वर्धन्तां संततिश्च पुत्रपौत्रपरंपरा
वर्धताम्। ... देयं चान्नपानाद्यस्माकं कुले बहुलमस्त्विति याचेत ॥ 29.
ते च याचितास्तथास्त्विति प्रतिब्रूयुः ॥ 31. इ. युक्ताभ्यां... उ. न्नाभ्यामुक्ता
आशिषस्तथास्त्विति प्रतिवचनेन प्रतिगृह्य विप्रान्विसर्जयेत् ॥