विष्णु स्मृति (वैष्णव धर्मशास्त्र - नन्दपण्डित कृत वैजयन्ती टीका सहित सटीक)

॥ विष्णुस्मृतौ ५० ॥ ११९
वने पर्णकुटीं कृत्वा वसेत् । १ । त्रिषवणं स्नायात् । २ ।
स्वकर्म चाचक्षाणो ग्रामे ग्रामे भैक्षमाचरेत् । ३ । तृण-
शायी च स्यात् । ४ । एतन्महाव्रतं । ५ । ब्राह्मणं हत्वा
द्वादशसंवत्सरं कुर्यात् । ६ । यागस्थं क्षत्रियं वैश्यं वा । ७ ।
गुर्विणीं रजस्वलां वा । ८ । अविज्ञातां वा नारीम् । ९ ।
मित्रं वा । १० । नृपतिवधे महाव्रतमेव द्विगुणं कुर्यात् ।
११ । पादोनं क्षत्रियवधे । १२ । अर्धं वैश्यवधे । १३ ।
तदर्धं शूद्रवधे । १४ । सर्वेषु शवशिरोध्वजी स्यात् । १५ ।
मासमेकं कृतवापनो गवानुगमनं कुर्यात् । १६ । आ-
सीनास्वांसीत । १७ । स्थितासु स्थितश्च स्यात् । १८ ।
सन्नां चोद्धरेत् । १९ । भयेभ्यश्च रक्षेत् । २० । तासां

L, 7. वैश्यं om. C¹,². च V⁴. 15 C¹,² add सर्वेषु जीवेषु दमी
स्यात् । 16. ०पावनो C¹,². 18. स्थितः C¹,². 19. व्यवसन्नां C¹,².

L, 1...इदानीमकामतस्तेषु प्रायश्चित्तं वक्तुं पञ्चाशत्तमेन ब्रह्महत्यायां
तावदाह ।... 2... त्रिकालग्रहणात्त्रिकालसंध्योपासनमपि गम्यते ।...
6. यः साक्षादकामतो ब्राह्मणं हन्ति सः...।... 7... इदं चाकामतः ।
कामतो द्विगुणम् ... 8... तामकामतो हत्वा... 11... इदं चाका-
मतः ।... 12. यागस्थनृपतिव्यतिरिक्तसद्गुणश्रोत्रियक्षत्रियवधे ... नव-
वार्षिकव्रतं कुर्यात् ॥ 13. यदीक्षितसद्गुणवैश्यवधे... षडब्दं व्रतं कार्यम् ॥
14. सद्गुणशूद्रवधे... त्र्यब्दं व्रतं कार्यम् । इदं चाकामतः । कामतो द्विगुणं
सर्वत्र ।... 19. अनुगम्यमानासु गोषु या सन्ना पतिता पङ्गलग्ना वा
तामुद्धरेत् ।... 20. सिंहव्याघ्रादिजनितेभ्यो भयेभ्यो रक्षेत् ।...