विक्रमाङ्कदेवचरितम् (कल्याणी चालुक्य साम्राज्य इतिहास - सटीक)

॥ श्री ॥
महाकवि श्री विल्हण-विरचितं
विक्रमाङ्कदेवचरितम्
सप्तमः सर्गः ।
स सर्वमावर्ज्य रिपुप्रमाथी मनोरथानामथ पूरणेन ।
परिभ्रमन्युद्धकुतूहलेन दिग्दन्तिशेषाः ककुभश्चकार ॥१॥
अन्वयः
अथ रिपुप्रमाथी सः मनोरथाना पूरणेन सर्वम् आवर्ज्य युद्धकुतूहलेन
परिभ्रमन् (सन्) ककुभः दिग्दन्तिशेषाः चकार ।
व्याख्या
अथ विक्रमाङ्कदेवस्य राज्याभिषेकानन्तर रिपूणां शत्रूणा प्रमाथी मर्दक स
विक्रमाङ्कदेवो मनोरथानामभिलाषाणां पूरणेन सफलीकरणेन सर्व जनसमूहमावर्ज्य
वशीकृत्य युद्धस्य समरस्य कुतूहलमुत्कण्ठा तेन परिभ्रमन् परितो विचरन् ककुभो
दिश 'दिशस्तु ककुभ काष्ठा आशाश्च हरितश्च ता'। दिशा वत्तिनो दिग्द-
न्तिनो दिग्गजा एव शेषा अवशिष्टा यासु ताश्चकार सम्पादितवान् । सकल-
गजाहरणाद्दिग्गजा एवाऽवशिष्टा आसन्निति भावः । सर्गेऽस्मिन्निन्द्रवज्राच्छन्द
'स्यादिन्द्रवज्रा यदि तौ जगौग' इति लक्षणात् ।