वास्तु मण्डन (मण्डन सूत्रधार - गृह, राजप्रासाद, दुर्ग एवं नगर-वास्तु सटीक)

42 वास्तुमण्डनम्
पदमध्ये चोपमर्म तानि भित्त्यादितस्त्यजेत्।
^२२०मर्मभिर्भित्तिभिः स्तम्भैः कीलोच्छिष्टोपघातकैः॥ १४३॥
पीडयेद्यदि तद्वास्तु भवनादिषु हानिकृत्।
^२२१पदस्य षोडशांशेन द्वादशांशेन वा पुनः॥ १४४॥
मर्ममानं स्मृतं कैश्चिदेकद्वित्र्यंगुलोन्मितम्॥ १४५॥
इति मर्मवास्तुः॥
सर्वदेवमयस्यापि पुंवास्तोः प्रथमं खनेत्।
कुक्षौ सौख्यं पुराघाते ^२२२शरीरे सर्वसंक्षयः॥ १४६॥
इति खातविधौ पुरुषवास्तुः॥
विप्रस्याश्वत्थजाः ^२२३कीला युगास्रा रदमात्रिकाः।
क्षत्रियस्याष्टयुग्मांशा वस्वस्राः खदिरोद्भवाः॥ १४७॥
विशां जिनाङ्गुलादीर्घाः षोडशास्राः शिरीषजाः।
^२२४शूद्रे नखाङ्गुला वृत्ता अर्जुनां जनजा दृढाः॥ १४८॥
सूत्रं स्यादाङ्गुल^२२५स्थूलमष्टदण्डायतं दृढम्।
द्विजानां दर्भजं राज्ञां मौजं काशं भवं विशाम्॥ १४९॥
शूद्राणां शणजं क्षौमं कार्पासं चाखिलेष्वपि।
बहिकोणादितो गेहे ^२२६सृष्ट्या कीलान्प्रविन्यसेत्॥ १५०॥
२२०. मर्मणितित्तिभिः in A
२२१. पदमध्ये in A
२२२. शारीरे in AB
२२३. कीलायुलायुगा in B
२२४. शुद्धे in A
२२५. राल in B
२२६. सृष्टा in DE