वास्तु मण्डन (मण्डन सूत्रधार - गृह, राजप्रासाद, दुर्ग एवं नगर-वास्तु सटीक)

सप्तमोऽध्यायः
[दूषणभूषणानि]
गृहारम्भे गेहकर्तुर्विनाशः शिल्पिसम्भ्रमे ।
स्तम्भस्कन्धाच्च्युते कुम्भे शिरोरोगं विनिर्दिशेत् ॥१ ॥
कुम्भापहारे सर्वस्य कुलस्यापि क्षयो भवेत्।
मृत्युः स्थानाच्च्युते कुम्भे स्तम्भे भग्ने तथा विदुः ॥२ ॥
करसंख्याविनाशे तु नाशं गृहपतेर्विदुः ।
बीजौषधिविहीने तु भूतेभ्यो भयमादिशेत् ॥३ ॥
स्तम्भाः भयरङ्कराः पूर्वं योजिता अप्रदक्षिणाः ।
हीनाधिकां गतौ वास्तौ सर्वथा तु विवर्जयेत् ॥४ ॥
प्रासादो देवराज्ञो वै त्यजे^१त्प्रासादजं गृहम्।
सिंहकर्णकपोताली सिंहसम्बरणध्वजान् ॥५ ॥
कपिशीर्षाणि कलशं दण्डमामलसारकम्।
स्तम्भं सभद्रं वाष्टास्रं वृत्तं सरूप^२पल्लवम् ॥६ ॥
कुम्भी सभद्राभरणं पल्लवाद्यं च किन्नरान्।
पत्रशीर्षं कुमाराढ्यं रूपं लेपविनिर्मितम् ॥
प्राग्भू कुम्भी विना शैलं न कुर्याद्द्वर्णवेश्मसु ॥७ ॥

---

१. देव राज्ञोस्या त्यजेत् in A
देव राजोस्तु त्यजेत् in C