वास्तु मण्डन (मण्डन सूत्रधार - गृह, राजप्रासाद, दुर्ग एवं नगर-वास्तु सटीक)

118 वास्तुमण्डनम्
२०हीरग्रहणमंशेन शुण्डिकादिविराजितम्।
सतन्त्रिकः सपादांशः २१पट्टः सा त्र्यंशनिर्गताः ॥८५ ॥
भागार्धेन जयन्ती स्यात्क्रम एव तले तले।
उदुम्बर समाकुम्भी स्तम्भाद् द्विगुणविस्तरा ॥८६ ॥
स्तम्भतुल्याकृतिः कार्या भरणं चापि तादृशम्।
गृहव्यासकरमितैरङ्गुलैः स्तम्भविस्तराः ॥८७ ॥
स्तम्भपट्ट तुलाश्रेण्यां स्थानं मानं न लङ्घयेत्।
शालयोरन्तरे भित्तिस्तत्पार्श्वं स्तम्भकाबली ॥८८ ॥
अग्रालिन्दे न कर्तव्ये नायं सार्वत्रको विधिः।
भित्तेरुपरि भित्तिस्यात्स्तम्भं स्तम्भोपरि न्यसेत् ॥८९ ॥
भित्तेरुपरि वा स्तम्भं स्तम्भोर्ध्वे नैव २२भित्तिका।
भरणं द्विगुणं स्तम्भाद्व्यासे स्तम्भसमं शिरः ॥ ९० ॥
दैर्घ्यं सप्तगुणं यावत् शीर्षात् पट्टः सपादकः।
सुरूपं वा विरूपं वा सर्वमङ्गं २३प्रयोजयेत् ॥९१ ॥
भित्तिविस्तारपादोना वरंडी विषमस्तरा।
भित्तिव्यास२४समोत्सेधा विधेया गजपृष्ठवत् ॥९२ ॥
अन्तमूलं प्रणालं स्यात्तुला दैर्घ्यार्धमायतम् ॥९३ ॥

२०. हारगृह-in C, द्वीरग्रह-in D and, हीरगृहा-in E
२१. पदः in A
२२. भिभिका in B
२३. प्रजोजयेत् in A
२४. ससोत्सेधा in B