वासिष्ठ धर्मशास्त्र (महर्षि वसिष्ठ - प्राचीन वैदिक स्मृति सटीक)

७०
ब्राह्मणमनृतेनाभिशंस्य पतनीयेनोपपतनीयेन वा मासमब्भक्षः
शुद्धवतीरावर्तयेत् ॥ ३९ ॥
अश्वमेधावभृथं वा गच्छेत् ॥ ४० ॥
एतेनैव चाण्डालीव्यवायो व्याख्यातः ॥ ४१ ॥
अथापरः कृच्छ्रविधिः साधारणो व्यूढः ॥ ४२ ॥
अहः प्रातरहर्नक्तमहरेकमयाचितम् ।
अहः पराकं तन्त्रैकमेवं चतुरहौ परौ ॥
अनुग्रहार्थं विप्राणां मनुर्धर्मभृतां वरः ।
बालवृद्धातुरेष्वेवं शिशुकृच्छ्रमुवाच ह ॥ ४३ ॥
अथ चान्द्रायणविधिः ॥ ४४ ॥
मासस्य कृष्णपक्षादौ ग्रासानद्याच्चतुर्दश ।
ग्रासोपचयभोजी स्यात्पक्षशेषं समापयेत् ॥
एवं हि शुक्लपक्षादौ ग्रासमेकं तु भक्षयेत् ।
ग्रासापचयभोजी स्यात्पक्षशेषं समापयेत् ॥ ४५ ॥
अत्रैव गायेत्सामानि अपि वा व्याहतीर्जपेत् ॥ ४६ ॥
एष चान्द्रायणो मासः पवित्रमृषिसंस्तुतः ।
अनादिष्टेषु सर्वेषु प्रायश्चित्तं विधीयते ॥
विधीयत इति
इति वासिष्ठधर्मशास्त्रे त्रयोविंशोऽध्यायः ॥ २३ ॥
अथातिकृच्छ्रः ॥ १ ॥
त्र्यहं प्रातस्तथा सायमायाचितं पराक इति कृच्छ्रो यावत्स-
क्तुदाददीत तावदश्नीयात्पूर्ववत्सोतिकृच्छ्रः ॥ २ ॥
43° वृद्धातुरैश्चैव E. 46. अथ वा E,
XXIV. 1. अथातः कृच्छ्रः B. F, H.