वासिष्ठ धर्मशास्त्र (महर्षि वसिष्ठ - प्राचीन वैदिक स्मृति सटीक)

कृच्छ्रातिकृच्छ्रौ चान्द्रायणमिति सर्वप्रायश्चित्तिः ⸢सर्वप्रायश्चित्ति-
रिति ॥ १६ ॥
इति वासिष्ठधर्मशास्त्रे द्वाविंशोऽध्यायः ॥ २२ ॥
ब्रह्मचारी चेत्स्त्रियमुपेयादरण्ये चतुष्पथे लौकिकेऽग्नौ रक्षोदैवतं
गर्दभं पशुमालभेत ॥ १ ॥
नैर्ऋतं वा चरुं निर्वपेत् ॥ २ ॥
तस्य जुहुयात्कामाय स्वाहा कामकामाय स्वाहा नैर्ऋत्यै स्वाहा
रक्षोदेवताभ्यः स्वाहेति ॥ ३ ॥
एतदेव रेतसः प्रयत्नोत्सर्गे दिवा स्वप्ने व्रतान्तरेषु वा समावर्त-
नात् ॥ ४ ॥
तिर्यग्योनिन्यवाये शुक्लमृषभं दद्यात् ॥ ५ ॥
गां गत्वा शूद्रावधेन दोषो व्याख्यातः ॥ ६ ॥
ब्रह्मचारिणः शवकर्मणो व्रतान्निवृत्तिः ॥ ७ ॥
अन्यत्र मातापित्रोः ॥ ८ ॥
स चेन्नाधीयीत कामं गुरोरुच्छिष्टं भेषजार्थं सर्वं प्राश्नीयात् ॥ ९ ॥
गुरुप्रयुक्तश्चेन्म्रियेत त्रीन्कृच्छ्रांश्चरेद्गुरुः ॥ १० ॥
ब्रह्मचारी चेन्मांसमश्नीयादुच्छिष्टभोजनीयं कृच्छ्रं द्वादशरात्रं च-
रित्वा व्रतशेषं समापयेत् ॥ ११ ॥
श्राद्धसूतकभोजनेषु चैवम् ॥ १२ ॥
XXIII. 1. आलभेत Bh. आलेभेत E. H. 2. निर्ऋतं E. H. 4. एव
रक्षसः E. 5. After this Sūtra B. F. H. read: कृष्णलिङ्गं दद्यात.
6. शुक्ललिङ्गं गां गत्वा B. F. H. 11. अश्नीयाच्छिष्टभोजनीयं B. H,
संमाचरेत् Bh. E. H. 12. चैवमव F. H.