वासिष्ठ धर्मशास्त्र (महर्षि वसिष्ठ - प्राचीन वैदिक स्मृति सटीक)

६४
पतत्यर्धं शरीरस्य यस्य भार्या सुरां पिबेत् ।
पतितार्धशरीरस्य निष्कृतिर्न विधीयते ॥ १५ ॥
ब्राह्मणश्चेदप्रेक्षापूर्वं ब्राह्मणदारानभिगच्छेदनिवृत्तधर्मकर्मणः
कृच्छ्रो निवृत्तधर्मकर्मणोऽतिकृच्छ्रः ॥ १६ ॥
एवं राजन्यवैश्ययोः ॥ १७ ॥
गां चेद्धन्यात्तस्याश्चर्मणार्द्रेण परिवेष्टितः षण्मासान्कृच्छ्रं तप्तकृच्छ्रं
वातिष्ठेत् ॥ १८ ॥
तयोर्विधिः ॥ १९ ॥
त्र्यहं दिवा भुङ्क्ते नक्तमश्नाति वै त्र्यहमपि ।
त्र्यहमयाचितव्रतस्त्र्यहं न भुङ्गिति कृच्छ्रः ॥ २० ॥
त्र्यहमुष्णाः पिबेदापस्त्र्यहमुष्णं पयः पिबेत् ।
त्र्यहमुष्णं घृतं पीत्वा वायुभक्षः परं त्र्यहम् ॥
इति तप्तकृच्छ्रः ॥ २१ ॥
ऋषभवेहतौ च दद्यात् ॥ २२ ॥
अथाप्युदाहरन्ति ।
त्रय एव पुरा रोगा ईर्ष्या अनशनं जरा ।
पृषद्वस्तवयं हत्वा अष्टानवतिमाहरेदिति ॥ २३ ॥
श्वमार्जारनकुलसर्पदर्दुरमूषकान्हत्वा कृच्छ्रं द्वादशरात्रं चरेत्किंचि-
दद्यात् ॥ २४ ॥
अनस्थिमतां तु सत्त्वानां गोमात्रं राशिं हत्वा कृच्छ्रं द्वादशरात्रं
चरेत्किंचिद्दद्यात् ॥ २५ ॥
अस्थिमतां त्वेकैकम् ॥ २६ ॥
16. ब्राह्मणश्चेत्प्रेक्षापूर्वं F. H. 23. वृषद्वस्तनयं Bh. Ban. ed.; वृषद्ध-
स्तनयं F. H. प्रबधस्तनयं F. 24. 25. चरेच्च किंचित् B. Ban. ed. H.