वासिष्ठ धर्मशास्त्र (महर्षि वसिष्ठ - प्राचीन वैदिक स्मृति सटीक)

११
आततायिनं हत्वा नात्र प्राणच्छेदतुः किञ्चित्किल्विषमाहुः ॥ १५ ॥
अथाप्युदाहरन्ति ।
अग्निदो गरदश्चैव शस्त्रपाणिर्धनापहः ।
क्षेत्रदारहरश्चैव षडेते आततायिनः ॥ १६ ॥
आततायिनमायान्तमपि वेदान्तपारगम् ।
जिघांसन्तं जिघांसीयान्न तेन ब्रह्महा भवेत् ॥ १७ ॥
स्वाध्यायिनं कुले जातं यो हन्यादाततायिनम् ।
न तेन भ्रूणहा स स्यान्मन्युस्तन्मन्युमृच्छतीति ॥ १८ ॥
त्रिणाचिकेतः पञ्चाग्निस्त्रिसुपर्णश्चतुर्मेधा वाजसनेयी षडङ्गविद्ब्रह्म-
देयानुसन्तानश्छन्दोगो ज्येष्ठसामगो मन्त्रब्राह्मणविद्यश्च धर्मा-
नधीते यस्य च दशपुरुषं मातृपितृवंशः श्रोत्रियो विज्ञायते
विद्वांसः स्नातकाश्चैते पङ्क्तिपावना भवन्ति ॥ १९ ॥
चातुर्विद्यं विकल्पी च अङ्गविद्धर्मपाठकः ।
आश्रमस्थास्त्रयो मुख्याः पर्षदैषां दशावरा ॥ २० ॥
उपनीय कृत्स्नं वेदमध्यापयेत्स आचार्यः ॥ २१ ॥
यस्त्वेकदेशं स उपाध्यायः ॥ २२ ॥
यश्च वेदाङ्गानि ॥ २३ ॥
आत्मत्राणे वर्णसंवर्गे ब्राह्मणवैश्यौ शस्त्रमाददीयाताम् ॥ २४ ॥
क्षत्रियस्य तु तन्नित्यमेव रक्षणाधिकारात् ॥ २५ ॥
15. After that Sūtra F. only reads षड्विधा ह्याततायिनः 17 वेदान्तगं
रणे B. Ban ed. वेदान्तिगं रणे Vīr. p. 6; comp. also Mahābhāratam
XII, 34, 17. 18. न तेन भ्रूणहा भवति मन्युस्तन्मन्युमृच्छति B. H. 19. त्रिना-
चिकेतः B. H. 20. चातुर्विद्यस्त्रिकल्पी च Ban. ed. चातुर्वैद्यं विकल्पी च
Baudhāyana I. 1. 8. विकल्पे च Bh. दशावरेति B. H. 21. उपनीय यः B.
Bh. H. उपनीय तु यः F. 24. वर्णसंवर्गे वा B. धर्मसंवर्गे E. H. वर्णसङ्करे
वा F.