उत्तर गीता (आदि गौड़पादाचार्य दीपिका एवं सान्वय हिन्दी टीका)

४ उत्तरगीतायां
ता; तेषां या भावना 'तत्त्वमसि' इत्यादिवाक्यजन्या चरम-
वृत्तिः, तन्निवृत्तिर्वा, तज्जन्याविद्यानिवृत्तिर्वा, तन्निवृत्त्यधिष्ठानं
वा, सा ब्रह्मेति चक्षते प्राहुः तत्त्वज्ञाः इति शेषः ॥
तदेव तत्त्वज्ञानं तन्निवर्त्याविद्यानिवृत्तिं च आह—
शरीरिणामजस्यान्तं हंसत्वं पारदर्शनम् ॥ ५ ॥
हंसो हंसाक्षरं चैतत्कूटस्थं यत्तदक्षरम् ।
तद्विद्वानक्षरं प्राप्य जह्यान्मरणजन्मनी ॥ ६ ॥
अजस्य जीवस्य अन्तम् अवधिभूतं हंसत्वं परब्रह्मस्वरू-
पत्त्वं शरीरिणां जीवानां पारदर्शनं परमज्ञानं हंसः ब्रह्म हंसा-
क्षरं च प्रणवं च एतत्कूटस्थं यत्, एतदुभयसाक्षिभूतं यत्,
तदक्षरमित्युच्यते । अनेन त्रिविधपरिच्छेदशून्यत्वं दर्शितम् ।
तत्स्वरूपं विद्वान् विवेकी सन् तदक्षरं वस्तु प्राप्य मरणज-
न्मनी जननमरणप्रवाहरूपं संसारं जह्यात् त्यजेदिति
यावत् ॥
सा च मुक्तिः जीवपरमात्मनोरैक्यमिति प्रतिपादयति—
अध्यारोपापवादाभ्यां निष्प्रपञ्चं प्रपञ्च्यते—
काकीमुखं ककारान्तमुकारश्चेतनाकृतिः ।
मकारस्य तु लुप्तस्य कोऽर्थः संप्रतिपद्यते ॥ ७ ॥