ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

जन्या गाव इह नो गृहमगमन्निति श्रूयते । जन्यस्य कृत्स्नमपि राष्ट्रं गृहम्।
अत उक्तफलसिद्धावेतल्लिङ्गम् । एवंसति यद्यज्ञस्य यजमानस्यैषा प्रति-
पद्भवति उपैनमित्यादिसिद्धप्रायमिति ॥ १९ ॥
वेदार्थस्य प्रकाशेन तमोहार्दं निवारयन् ।
पुमर्थांश्चतुरो देयाद्विद्यातीर्थमहेश्वरः ॥
इति श्रीमद्राजाधिराजपरमेश्वरवैदिकमार्गप्रवर्त्तकश्रीवीरबुक्कभूपा-
लसाम्राज्यधुरन्धरेण सायणाचार्येण विरचिते माधवीये सामवेदा-
र्थप्रकाशे ताण्ड्यमहाब्राह्मणे षष्ठाध्यायस्य दशमः खण्डः ।
षष्ठाध्यायः समाप्तिगमत् ।
सप्तमोऽध्यायः ।
अथ प्रथमः खण्डः ।
यस्य निःश्वसितं वेदा यो वेदेभ्योऽखिलं जगत् ।
निर्ममे तमहं वन्दे विद्यातीर्थमहेश्वरम् ॥
अग्निष्टोमविधिस्तोमस्तुतिप्रासङ्गिकाः परे ।
[L15