तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

८७६ परिशिष्टत्वेन संगृहीतः— [ अनु० ६४ ]
क्यविदितकल्याणगुणवत्त्वमानृण्यतां देवर्षिपितॄऋणत्रयनिर्मुक्तत्वं ब्रह्मवर्चसं सर्वब्राह्मणो-
त्तमत्वं बहुपुत्रतां श्रद्धांमेधे गुरुवेदान्तवाक्यविश्वासवेदशास्त्रार्थग्रहणधारणपटुत्वे मज्जा
दुहित्राद्या भगवान्परमात्मा मह्यं सम्यग्ददातु ॥
इति कृष्णयजुर्वेदीयतैत्तिरीयारण्यकदशमप्रपाठके नारायणीयापरनामधेययुक्तायां
याज्ञिक्यामुपनिषदि भाष्ये त्रिषष्टि*तमोऽनुवाकः ॥ ६३ ॥
अथ चतुःषष्टितमोऽनुवाकः ।
तिला॑: कृ॒ष्णास्तिला॑: श्वे॒तास्तिला॑: सौ॒म्या व॑शानु॒गाः ।
तिला॑: पु॒नन्तु॑ मे पा॒पं यत्किंचि॑द्दु॒रितं मयि॒ स्वाहा॑ ।
तिला इति । हे परमात्मंस्त्वदाज्ञया मम यत्किंचिद्दुरितं तत्पापं दूरीकृत्य मे मां
तिलाः पुनन्तु । तदर्थमिदं हविस्तुभ्यं स्वाहा। तिलाः कथंभूताः । केचित्कृष्णाः। केचि-
च्छेताः उभयविधाः सर्वेऽपि सौम्या रोगाद्युपद्रवाप्रदाः । वशानुगा अस्मद्वशव-
र्तिनः । स्वधर्मोपार्जितं द्रव्यं दत्त्वा विक्रीयाऽऽनीता न त्वनुशासनचौर्यादिनाऽऽनीता
इत्यर्थः । अचेतनानां तिलानां पापनाशनसामर्थ्यं त्वदाज्ञयेति भावः+ ।
चो॒रस्यान्नं॑ नव॑श्रा॒द्धं ब्र॑ह्म॒हा गु॑रुत॒ल्पगः॑ ।
गोस्ते॒यग्ं सु॑रा॒पानं॑ भ्रूणह॒त्या तिला शान्तिग्ं शम॑यन्तु॒ स्वाहा॑ ।
चोरस्येति । हे परमात्मंस्त्वदाज्ञया तिला= एतन्मन्त्रोक्तानां पापानां शान्तिं
विनाशं शमयन्तु कुर्वन्तु तदर्थमिदं हविस्तुभ्यं स्वाहा । नवश्राद्धमेकोद्दिष्टायन्न-
भोजनम् । भ्रूणो गर्भः शिशुर्वीरो वा । स्पष्टमन्यत् x ।
श्रीश्च॑ ल॒क्ष्मीश्च॑ पु॒ष्टीश्च॑ की॒र्तिं चाऽऽनु॑ण्यताम् । ब्रह्म॑ण्यं ब॒हु-
पु॒त्रताम् । श्रद्धा॑मे॒धे प्र॒ज्ञा तु जा॒तवे॑दः संददा॑तु॒ स्वाहा॑ ॥
इति कृष्णयजुर्वेदीयतैत्तिरीयारण्यकदशमप्रपाठके नारायणोपनिषदि
चतुःषष्टितमोऽनुवाकः ॥ ६४ ॥
श्रीश्चेति । हे जातवेदः सर्ववेदस्य धनस्य वोत्पादक ( ? ) हे परमात्मंस्तत्सर्वं

छ. * पुस्तकेऽत्र (६४) तमानुवाकसमाप्तिर्दृश्यते । + एतदग्रे छ. पुस्तके (६५) तमानुवाक-
समाप्तिर्दृश्यते । सा चानुवाकपरिगणनविरुद्धा । = छान्दसत्वाद्विसर्गलोपो मूले । x एतदग्रे छ. पुस्तके
(६६) तमानुवाकसमाप्तिर्दृश्यते । साऽनुवाकपरिगणनविरुद्धा ।
१ व. ॥ ८१ ॥