८५० परिशिष्टत्वेन संगृहीतः— [ अनु० ३१ ]
हस्त्येति शेषः । ततो मामापः पुनन्तु । तथाऽसतां शूद्रादीनां प्रतिग्रहं च मया कृतं
पुनन्तु । तदर्थमिदमभिमन्त्रितमुदकं स्वाहा मदीयवक्त्राग्नौ सुहुतमस्तु ॥
इति कृष्णयजुर्वेदीयतैत्तिरीयारण्यकदशमप्रपाठके नारायणीयापरनामधेययुक्तायां
याज्ञिक्यामुपनिषदि भाष्ये त्रिंशोऽनुवाकः ॥ ३० ॥

अथैकत्रिंशोऽनुवाकः ।
सायंसंध्याकाले जलपानार्थं मन्त्रमाह—
अ॒ग्निश्च॑ मा म॒न्युश्च॑ मन्यु॒पत॑यश्च मन्यु॒कृते॑भ्यः॑ ।
पापेभ्यो॑ रक्षन्ताम् । यदह्ना॒ पाप॑मका॒र्षम् । मन॑सा
वा॒चा हस्ता॑भ्याम् । प॒द्भ्यामु॒दरे॑ण॒ शिश्ना॑ । अह॒स्त-
दव॑लुम्पतु । यत्किंच॑ दु॒रितं मयि॑ । इ॒दम॒हं माम-
मृतयो॑नौ । सत्ये ज्योति॑षि जुहो॑मि स्वाहा, इति ॥
इति कृष्णयजुर्वेदीयतैत्तिरीयारण्यके दशमप्रपाठके नारायणोपनिष-
द्येकत्रिंशोऽनुवाकः ॥ ३१ ॥
योऽयमग्निरस्ति यश्च मन्युः क्रोधाभिमानी देवो ये च मन्युपतयः क्रोध