तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

प्रपा ० ५ अनु ० ८ ] कृष्णयजुर्वेदीयं तैत्तिरीयारण्यकम् । ३०३
नान्वीक्षेत । यद॒न्वीक्षेत॑ ( ९ ) । चक्षु॑रस्य प्रमायु॑क॒ꣵ
स्यात् । तस्मा॒न्नान्वीक्ष्य॑ः ( ३६ ) ।
अपी॑परो॒ माऽह्नो॒ रात्र्यै॒ मा पा॒ह्येषा ते॑ अग्ने समि॒त्तया॒
समि॑ध्य॒स्वाऽऽयु॑र्मे दा॒ वर्च॑सा॒ माऽऽञ्धीरित्या॑ह । आयु॑-
रे॒वास्मिन्त्वर्चो॑ दधाति । अपी॑परो॒ मा रात्र्या॒ अह्नो॒ मा
पा॒ह्येषा ते॑ अग्ने समि॒त्तया॒ समि॑ध्य॒स्वाऽऽयु॑र्मे दा॒ वर्च॑सा॒
माऽऽञ्धीरित्या॑ह । आयु॑रे॒वास्मिन्त्वर्चो॑ दधाति ( ३७ ) ।
अ॒ग्निर्ज्योति॒र्ज्योतिर॒ग्निः स्वाहा॒ सूर्यो॒ ज्योति॒र्ज्योतिः॒
सूर्यः॒ स्वाहेत्या॑ह । यथा॒ यजुरे॒वैतत् ( ३८ ) ।
ब्रह्मवा॒दिनो॑ वदन्ति । होत॒व्य॑म॒ग्निहो॒त्रा३ न होत॒-
व्या३मिति॑ ( १० ) । यद्यजु॑षा जुहु॒यात् । अय॑थापूर्व-
माहु॑ती जुहुयात् । यन्न जु॑हु॒यात् । अ॒ग्निः परा॑भवेत् । भूः
स्वाहेत्येव होतव्यम् । य॒था॒पूर्व॑माहु॑ती जु॒होति॑ । ना॒ग्निः
परा॑भवति ( ३९ ) ।
हुत॒ꣵ हवि॒र्मधु॑ ह॒विरित्या॑ह । स्व॒दय॑त्ये॒वैन॑म् ( ४० ) ।
इन्द्र॑तमे॒ऽग्नावित्या॑ह ( ११ ) । प्रा॒णो वा इन्द्र॑तमो॒ऽग्निः।
प्रा॒ण ए॒वैनमिन्द्र॑तमे॒ऽग्नौ जु॑होति ( ४१ ) ।
पि॒ता नो॑ऽसि॒ मा मां हिꣵसीरित्या॑हाहि॑ꣵसायै । (४२)।
भ॒क्ष्याम॑ ते देव घर्म॒ मधु॑मतो॒ वाज॑वतः पितृ॒मत॒ इत्या॑ह ।
आ॒शिष॑मे॒वैतामाशा॑स्ते ( ४३ ) ।
३६ षट्त्रिंशविभागस्य भाष्यं २९८ पृष्ठे द्रष्टव्यम् ।
३७ सप्तत्रिंशविभागस्य भाष्यं २९९ पृष्ठे द्रष्टव्यम् ।
३८ अष्टात्रिंशविभागस्य भाष्यं ३०० पृष्ठे द्रष्टव्यम् ।
३९ एकोनचत्वारिंशविभागस्य भाष्यं ३०० पृष्ठे द्रष्टव्यम् ।
४० चत्वारिंशविभागस्य भाष्यं ३०१ पृष्ठे द्रष्टव्यम् ।
४१ एकचत्वारिंशविभागस्य भाष्यं ३०१ पृष्ठे द्रष्टव्यम् ।
४२ द्विचत्वारिंशविभागस्य भाष्यं ३०१ पृष्ठे द्रष्टव्यम् ।
४३ त्रिचत्वारिंशविभागस्य भाष्यं ३०१ पृष्ठे द्रष्टव्यम् ।
५०