तैत्तिरीय आरण्यक (सायण भाष्य एवं भट्टभास्कर भाष्य सहित सम्पूर्ण प्रथम भाग)

३७० श्रीमत्सायणाचार्यविरचितभाष्यसमेतम्— [प्रपा० ५अनु०३]
वेणु॑ना करोति । तेजो वै॒ वेणुः॑ । तेजः॑ प्र॒वर्ग्यः॑ ।
तेज॑सैव॒ तेजः॑ सम॑र्धयति ( ४ ) ।
म॒खस्य॒ शिरो॑ऽसीत्या॑ह । य॒ज्ञो वै म॒खः । तस्यै॒तच्छिरः॑ ।
यत्प्र॑व॒र्ग्यः ( २ ) । तस्मा॑दे॒वमा॑ह ( ५ ) ।
य॒ज्ञस्य॑ प॒दे स्थ इत्या॑ह । य॒ज्ञस्य॒ ह्येते॑ प॒दे । अथो॒
प्रति॑ष्ठित्त्यै ( ६ ) ।
गा॒य॒त्रेण॑ त्वा॒ छन्द॑सा करोमीत्या॑ह । छन्दो॑भिरे॒वैनं॑
करोति ( ७ ) ।
त्र्यु॒द्धिं क॑रोति । त्रय॑ इ॒मे लो॒काः । ए॒षां लो॒काना॒-
माप्त्यै॑ ( ८ ) ।
छन्दो॑भिः करोति ( ३ ) । वी॒र्यं॑ वै छन्दाँ॑सि । वी॒र्ये॑-
णै॒वैनं॑ करोति ( ९ ) ।
यजु॑षा बि॒लं करोति॒ व्यावृ॑त्त्यै ( १० ) ।
इय॑न्तं करोति । प्र॒जाप॑तिना यज्ञमु॒खेन॒ संमि॑तम् ( ११ ) ।
इय॑न्तं करोति । य॒ज्ञप॑रुषा॒ संमि॑तम् ( १२ ) ।
इय॑न्तं करोति । ए॒ताव॑द्वै पुरु॑षे वी॒र्य॑म् । वी॒र्य॑सं-
मितम् ( ४ ) ( १३ ) ।
अ॒प॒रि॒मि॒तं करोति । अ॒प॒रि॒मि॒तस्याव॑रुद्ध्यै ( १४ ) ।
४ चतुर्थविभागस्य भाष्यं २३५ पृष्ठे द्रष्टव्यम् ।
५ पञ्चमविभागस्य भाष्यं २३५ पृष्ठे द्रष्टव्यम् ।
६ षष्ठविभागस्य भाष्यं २३५ पृष्ठे द्रष्टव्यम् ।
७ सप्तमविभागस्य भाष्यं २३६ पृष्ठे द्रष्टव्यम् ।
८ अष्टमविभागस्य भाष्यं २३६ पृष्ठे द्रष्टव्यम् ।
९ नवमविभागस्य भाष्यं २३६ पृष्ठे द्रष्टव्यम् ।
१० दशमविभागस्य भाष्यं २३७ पृष्ठे द्रष्टव्यम् ।
११ एकादशविभागस्य भाष्यं २३७ पृष्ठे द्रष्टव्यम् ।
१२ द्वादशविभागस्य भाष्यं २३७ पृष्ठे द्रष्टव्यम् ।
१३ त्रयोदशविभागस्य भाष्यं २३७ पृष्ठे द्रष्टव्यम् ।
१४ चतुर्दशविभागस्य भाष्यं २३७ पृष्ठे द्रष्टव्यम् ।