शिल्परत्नम् (श्रीकुमार - प्राचीन भारतीय चित्रकला, धातुकर्म, यन्त्र एवं स्थापत्य सटीक)

षट्तालम् ] त्रयोदशोऽध्यायः । ७१
तलायामं तु भूतांशं वेदांशं तस्य विस्तृतम् ।
तत्तलायामसद्दशं मध्यमाङ्गुलिदीर्घकम् ॥ ५ ॥
शेषं प्रागुक्तमार्गेण कार्यमङ्गमशेषतः ॥ ५१/२ ॥
इति शिल्परत्ने उत्तरभागे सप्तताललक्षणं नाम
द्वादशोऽध्यायः ॥
अथ त्रयोदशोऽध्यायः ।
अथ षट्तालम् ।
उष्णीषमर्धभागं स्यादेकांशं केशमानकम् ।
सार्धवस्वङ्गुलं प्राग्वद् केशान्ताद्धनुसमिकम् ॥ १ ॥
गलोदयं त्रिभागार्धं मुखतुल्यमतः पृथक् ।
हिक्कादिहृदयान्तं च नाभ्यन्तं च ततः क्रमात् ॥ २ ॥
तस्मान्मेढ्रस्य मूलान्तमूरू चात्यष्टिभागतः ।
सार्धभागं जानुदीर्घं जङ्घा चोरुसमोन्नता ॥ ३ ॥
आगुल्फतलतुङ्गं तु सार्धभागमुदाहृतम् ।
ऊरुदीर्घसमं बाहुं कुर्याद् विश्वाङ्गुलं पुनः ॥ ४ ॥
प्रकोष्ठं भूतभागं तत्तलं मध्याङ्गुलं तथा ।
भास्कराङ्गुलमानेन कुर्यात् पादतलायतम् ॥ ५ ॥
पूर्वस्मादूहयेत् सर्वमत्रानुक्तं विशारदः ॥ ५१/२ ॥
इति शिल्परत्ने उत्तरभागे षट्ताललक्षणं नाम
त्रयोदशोऽध्यायः ॥
१. 'ल' ग. पाठः. २. 'तुङ्गं ज' ख. पाठः.