षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

चतुर्थः खण्डः
याम्यनिमित्तविशेषे होमविशेषं दर्शयितुं तदर्थमपि किंचिन्निमित्तं
दर्शयति—
स दक्षिणां दिशमन्वावर्तते ॥ १ ॥
सः वक्ष्यमाणाद्भुतविशेषनिमित्तवान् होमाधिकारी दक्षिणां दिशम्
अन्वीक्ष्य आवर्तते । होमार्थं प्रवर्तते । निमित्तविशेषाणां दक्षिणाया दिशोऽपि
याम्यत्वाविशेषात् ॥ १ ॥
इदानीं निमित्तविशेषान् दर्शयति—
अथ यदास्य प्रजायां पशुषु शरीरे वारिष्टानि
प्रादुर्भवन्ति । व्याधयो वा अनेकविधा अतिस्वप्नमस्वप्नमति-
भोजनमभोजनमालस्यं व्रणमजीर्णनिद्रा[जागरा]णीत्येवमा-
दीनि । तान्येतानि सर्वाणि यमदेवत्यान्यद्भुतानि
प्रायश्चित्तानि भवन्ति ॥ २ ॥
अथ पुनः यदास्य पुरुषस्य संबन्धिषु प्रजाया पुत्रादिकया सहितेषु
पशुषु गवादिकेषु स्वशरीरे वारिष्टानि पीडाः प्रादुर्भवन्ति । अथवा अनेकविधा
ज्वरादयो व्याधयः प्रादुर्भवन्ति । तथा अतिस्वप्नं दुःस्वप्नं दृश्येत ।
अस्वप्नम् अनिद्रा । अतिभोजनं भस्मकरोगवशेन बहुतरान्नाभ्यवहारः ।
2. J. om. ०विशेषे ; M. नियमं for निमित्तं.
6. JM. om. प्रवर्तते; RI. दक्षिणा, M. दक्षिण० for दक्षिणाया.
11. RIJ. om. इति.
16. J. दर्शनं for दुःस्वप्नं; M. दर्शनं T. दर्शितं for दृश्येत,