सङ्गीतदर्पण (दामोदर पण्डित - तंजौर सरस्वती महल संस्करण, सङ्गीत एवं नाट्य लक्षण)

29
वैराटी तोडिकाचैव कामोदीच कुडायिका ।
गान्धारी नागशब्दीच तथादेशी विशेषतः ॥ १७५ ॥
शङ्कराभरणो ज्ञेयो द्वितीयप्रहरात्परम् ।
श्रीरागोमालवाख्यश्च गौडी त्रिवणसंज्ञकः ॥ १७६ ॥
नटकल्याण संज्ञश्च सालङ्गं नट्टकं तथा ।
सर्वे नाटाश्च केदारी कर्णाट्याभीरिका तथा ॥ १७७ ॥
बडहंसी पहाडीच तृतीय प्रहरात्परम् ।
अर्धरात्रावधिर्गेया रागा एते सुखप्रदाः ॥ १७८ ॥
यथोक्तकाल एवैते गेयाः पूर्व विधानतः ।
राजाज्ञया सदागेया नतु कालं विचारयेत् ॥ १७९ ॥
इति रागवेळा ॥
श्रीरागो रागिणीयुक्तः शिशिरे गीयते बुधैः ।
वसन्तस्स्वसहायैस्तु बसन्तर्तौ प्रगीयते ॥ १८० ॥
भैरवः स्वसहायैस्तु ऋतौ ग्रीष्मे प्रगीयते ।
पञ्चमस्तु तथागेयो रागिण्या सह शारदे ॥ १८१ ॥
मेघरागो रागिणीभिः युक्तोवर्षासुगीयते ।
नट नारायणोरागो रागिण्यासहहेमके ।
यथेच्छया वा गातव्याः सर्वर्तुषु सुखप्रदाः ॥ १८२ ॥
इति ऋतुवेला ।
–इति सोमेश्वरमतम् ।
(171-182) The proper time of the day and the
season for particular Ragas.
(சு. 171-182) ராகங்களுக்குத் தகுதியான வேளையும் ருதுவும்