रत्नावली नाटिका (सम्राट हर्षवर्धन - शास्त्रीय नाटिका रत्न सम्पूर्ण ४ अङ्क सान्वय सटीक)

420 रत्नावली
पञ्चमस्तरङ्गः
( वासवदत्ताहरणम् )
अथ वासवदत्ता सा शनैर्वत्सेश्वरं प्रति ।
गाढं बबन्ध सद्भावं पितृपक्षपराङ्मुखी ॥१॥
ततो वत्सेशनिकटं पुनर्यौगन्धरायणः ।
विवेशादर्शनं कृत्वा सर्व्वानन्यान् जनान् प्रति ॥२॥
वसन्तकसमक्षं च विजने तं व्यजिज्ञपत् ।
राजन् बद्धो भवांश्चण्डमहासेनेन मायया ॥३॥
सुतां च दत्त्वा संमान्य त्वामयं मोक्तुमिच्छति ।
तदस्यैनां स्वयं हृत्वा गच्छामस्तन्मयां वयम् ॥४॥
एवं ह्यस्य प्रतीकारो दृप्तस्य विहितो भवेत् ।
अपौरुषकृतं लोके नैव स्याल्लाघवं च वः ॥५॥
अस्ति चैतेन दत्तास्यास्नपनायाः करिण्यका ।
राज्ञा वासवदत्ताया नाम्ना भद्रवती नृप ॥६॥
सा चानुगन्तुं वेगेन शक्या नान्य