रसार्णव (शैव रस-तन्त्र - प्राचीन भारतीय खनिज रसायन, धातुवाद एवं रस-चिकित्सा सटीक)

१८ रसार्णवे
प्रतिष्ठितंसुमेशाभ्यां¹ लोकपालैश्च रक्षितम् ॥ ४६ ॥
निर्मापयेदेकतलं द्वितलं वापि मण्डपम्² ।
अथ पक्षे सिते देवि चन्द्रताराबलान्विते³ ॥ ४७ ॥
पुष्ये तिथौ मुहूर्ते च⁴ लग्ने सौम्यग्रहेक्षिते ।
स्नातः शुक्लाम्बरधरः शुक्लमाल्यानुलेपनः ॥ ४८ ॥
मधुसर्पिर्दधिक्षीरतिलैः संपूज्य बालिकाः⁵ ।
कपिलागोमयालिप्ते हिरण्यकलसाहते ॥ ४९ ॥⁶
यवसिद्धार्थकास्तीर्णे⁷ गन्धमाल्योपशोभिते ।
तत्रेष्टिकाभिः रचिते⁸ करपीठे सुरेखरे⁹ ॥ ५० ॥
शिलापट्टं समुत्कीर्य्य शिलापट्टार्गलं प्रिये ।
न्यासं रसाङ्गुष्ठेनैव कृत्वाङ्गुलिहृदादिषु¹⁰ ॥ ५१ ॥
रसलिङ्गं न्यसेत्तत्र हेम्ना त्र¹¹ सहितं प्रिये ।
(१) प्रतिष्ठितोमामद्देश, a variant in M, which breaks the metre.
(२) B reads मडलं. M reads मष्टपम्, which is an error of the scribe.
(३) चन्द्रताराबले सति, a variant in B and K. We have adopted the
reading in M. (४) पुष्यतीर्थे मुहूर्त्तं तु, a variant in K, which seems
to be unconnected. (५) M reads पालकः. (६) The portion
from स्नातः to कलसाहते is wanting in M. (७) B reads यष सिद्धार्यका-
स्तीर्थे ; M reads यवसिद्धावकास्तीर्णे ; both the readings seem to be erroneous.
(८) तत्रेष्टकाभिरवचिते, a reading in B. तत्रैष्टकाभिः खचिते, a reading in M.
(९) K reads कारदिसु. करपीठे सुरंधरीम्, a variant in M, which has no
clear sense. (१०) न्यासाङ्गनेव कर्त्तव्याः साङ्गुलीहृदयादिषु, a variant in K.
कृताङ्गलिमुतादिषु, a reading in M, which seems to be erroneous.
(११) K reads पार्श्वतो.