रसार्णव (शैव रस-तन्त्र - प्राचीन भारतीय खनिज रसायन, धातुवाद एवं रस-चिकित्सा सटीक)

द्वादशः पटलः । २५३
किष्किन्ध्या¹पर्व्वते रम्ये पम्पातीरे तृणोदकम्² ।
तस्य पश्चिमतो देवि योजनद्वितये पुनः ।
भूशैलमस्ति तत्रैव त्रिदिनं वेधि पर्व्वते³ ॥ २८६ ॥
सह्याचले पुरे देव्याः चोरनेत्रस्य सन्निधौ ।
शैलोदकं कोटिवेधि दुर्जदेशेऽपि वासरम् ।
लक्षवेधि नृसिंहस्य नगरे गोकुलाभिधे ॥ २८७ ॥⁴
अन्यत्र यत्र तत्रापि ब्रह्मविष्णुशिवोद्भवम् ।
अमृतं तत्र तत्रापि वज्रीकरणमुत्तमम् ॥ २८८ ॥
तस्योत्पत्तिं प्रवक्ष्यामि यथा जानन्ति साधकाः ॥ २८९ ॥
महीं समुद्धृतवतो वराहस्य कलेवरात् ।
यः स्वेदः पतितस्तस्माज्जातं शैलोदकं परम् ॥ २९० ॥
तन्मुखे क्षणिकं जातं क्रोड़देशे⁵ तु वासरम् ।
बाहुभ्यां त्र्यहवेधि⁶ स्यान् मासवेधि तु पार्श्वयोः⁷ ।
षण्मासमपराङ्गे च⁸ सर्व्वं समफलं भवेत्⁹ ॥ २९१ ॥

---

(1) B reads किष्किध. K reads किष्किंधे. (2) B and K read
चणोदक. (3) B has वेध पार्वति, which seems to be incorrect. (4)
The portion commencing from सह्याचले and ending in गोकुलाभिधे is
found only in MS. K. (5) B reads कंवदेशे (probably कम्बुदेशे).
This charana is not found in M. (6) B and M read वय, which
seems to be incorrect. (7) K reads खर्षयोः. M reads मासमेकन्तु.
(8) B has an incomplete charana षण्मासमपराङ्गे च. (9) M
reads समफलञ्च तत्.