पूर्णप्रज्ञ भाष्य (श्रीमन् मध्वाचार्य - द्वैत वेदान्त ब्रह्मसूत्र महाभाष्य जगन्नाथदीपिका सटीक)

[ अधि - ३. सू - २. ] दीपिकासहितम्. ६९५
अप्शब्दस्तु त्र्यात्मकत्वाद्युज्यते, भूयस्त्वाच्चापाम् ।
( २ ) तापापनोदो भूयस्त्वमम्भसो वृत्तयस्त्विमाः । इति
भागवते ॥ २ ॥
नां त्रिवृत्करणशून्यत्वान्न त्र्यात्मकत्वमिति वाच्यम् । आदिकाले मि-
श्रत्वेन सृष्टानां भूतानां त्रिवृत्करणेन पुनर्मिश्रीकृतानां जीवशरीरस्थ-
त्वेन तेन सहागतानामपि तेषां त्रिवृत्कृतत्वाविरोधात्, त्रिवृत्कृतजा-
तीयत्वाद्वा । ननु यद्यापो भूतत्रयात्मिक्यः, कथं तर्हि तत्र विशिष्या-
प्शब्दप्रयोग इत्यतस्तन्नोत्तरतया भूयस्त्वादित्यंशो योज्य इत्याशयेना-
ह—भूयस्त्वादिति । आधिक्यादित्यर्थः । चस्त्वर्थेऽवधारणे च । तथा
च अप्शब्दस्त्वप्सु युज्यते यतोऽतो न तत्र तदुक्तिविरोधः । कुतः ? अ-
पां भूयस्त्वादेवेति योजना । अनेन हेतुद्वयस्यापि तुशब्दसूचितसाध्ये-
नान्दयो दर्शितः । द्युत्युदकरूपधर्मिभेदात्साध्यभेद इति ज्ञातव्यम् ।
यद्वा—अस्त्वपां क्षितिसलिलानलात्मकत्वेन श्रुतौ तद्ग्रहणेऽन्यभूताना-
मपि प्राप्तिः । तथाऽपि अपामिव भूतान्तरस्यापि सर्वभूतात्मकत्वात्
अपामेव ग्रहणे को विशेषहेतुरित्यत आह—भूयस्त्वादिति । ‘पार्थि-
वानां शरीराणां अर्धेन’ इत्युक्तप्रकारेण सर्वदेहेषु सम्भूय भूतेजसोर-