प्रियदर्शिका नाटिका (सम्राट हर्षवर्धन - चतुरङ्क शास्त्रीय नाटिका सान्वय सटीक)

तृतीयोऽङ्कः । ४१
राजा—( सहसोत्थाय विदूषकं मनोरमां च दृष्ट्वाऽत्मगतम् ।) कथं विज्ञातो-
ऽस्मि देव्या । ( वैलक्ष्यं नाटयति ।)
साङ्कृत्यायनी—( क्षणमवलोक्य सस्मितम् ।) कथमन्यदेवेदं प्रेक्षणी-
यकं संवृत्तम् । अभूमिरियमस्मद्विधानाम् । ( इति निष्क्रान्ता ।)
राजा—( स्वगतम् ।) अपूर्वोऽयं कोपप्रकारः । दुर्लभमत्रानुनयं
पश्यामि । ( विचिन्त्य ।) एवं तावत्करिष्ये । ( प्रकाशम् ।) देवि
त्यज्यतां कोपः ।
वासवदत्ता—आर्यपुत्र कोऽत्र कुपितः । ( अज्जउत्त को एत्थ कुविदो )
राजा—कथं न कुपितासि ।
स्निग्धं यद्यपि वीक्षितं नयनयोस्ताम्रा तथापि द्युति-
र्माधुर्य्येऽपि सति स्खलत्यनुपदं ते गद्गदा वागियम् ।