फलदीपिका (मन्त्रेश्वर दैवज्ञ - सम्पूर्ण २८ अध्याय, भाव-विचार, दशा-फल एवं गोचर सटीक)

इक्कीसवां अध्याय : प्रत्यन्तर्दशाफल ४८१
ग्रहणिगुल्मकयक्ष्मकपीडनं
सितवयोहृति तत्र हिमत्विषि ॥७७॥
रुधिरपित्तगदार्तिसमाश्रयः
कनकताम्रचयावनिसंग्रहः ।
युवतिदूषणमुद्यमविच्युति-
र्वृषभवल्लभवत्सरगे कुजे ॥७८॥
निधिभवः सुतलब्धिरभीष्टवाक्
स्वजनपूजनमप्यरिबन्धनम् ।
दहनचोरविषोद्भवपीडनं
तुलधरेश्वरवत्सरगेऽसुरे ॥७९॥
विविधधर्मसुरेशनमस्क्रिया
भवति चात्मजवामहृदागमः ।
विविधराज्यसुखं च शरीरिणां
कविदशाहृति कार्मुकनायके ॥८०॥
नगरयोधनृपोद्भवपूजनं
प्रवरयोषिदवाप्तिरथास्ति वा ।
विविधवित्तपरिच्छदसंयुति-
र्दितिपूजितदायगते शनौ ॥८१॥
तनयसौख्यसमागमसम्पदां
निचयलब्धिरतिप्रभुता यशः ।
पवनपित्तकफार्तिररिच्युति
र्दनुजमन्त्रिदशाहृति चन्द्रजे ॥८२॥