नागानन्दम् (सम्राट हर्षवर्धन - संस्कृत मूल एवं हिन्दी व्याख्या)

अथ पञ्चमोऽङ्कः ।
[ततः प्रविशति प्रतीहारः]
प्रतीहारः-स्वगृहोद्यानगतोऽपि स्निग्धे पापं विशङ्क्यते¹ स्नेहात्।
किमु दृष्टबह्वपायप्रतिभयकान्तारमध्ये ॥ १ ॥
तथाहि, — जीमूतवाहनो जलनिधिवेलावलोकनकुतूहली
निष्क्रान्तश्चिरयतीति दुःखमास्ते महाराजविश्वावसुः ।
समादिष्टश्चास्मि तेन, यथा—‘सुनन्द ! श्रुतं मया² सन्नि-
हितगरुडप्रतिभयमुद्देशं जामाता जीमूतवाहनो गत इति ।
शङ्कित एवास्म्यनेन वृत्तान्तेन । तत्त्वरितं विज्ञायागच्छ
‘किमसौ स्वगृहमागतो न वा’ इति । यावत्तत्र गच्छामि ।
(परिक्रामन्नग्रे दृष्ट्वा) अयमसौ राजर्षिर्जीमूतवाहनस्य
पिता जीमूतकेतुरुटजाङ्गणे सह स्वधर्मचारिण्या राज-
पुत्र्या वध्वा च पर्युपास्यमानस्तिष्ठति । तथाहि—
श्लोक नं०: १, अन्वयः —
स्निग्धे स्वगृहोद्यानगतेऽपि स्नेहात् पापं विशङ्क्यते; दृष्टबह्वपाय-
प्रतिभयकान्तारमध्ये किमु ?
( १६८ )